రాధ అందములు

 

 

రాధ అందములు!
 
పరికిణీ ఎత్తిన పైట సర్దిన చీర సవరించిన కంట చూసిన
పట్టలేను మనసు; అందముల విందు చేయు అమ్మడూ!


నీరూపు చూసి నీ మేని హోయలుకు మురిసి
నీ వయసు నీ సొగసు నా కన్నుల్లొ నిండి
హృది సందడులు సేయ నీ గుండె తలుపులు తడితే


తెరచి తలుపులు ఎద పొంగ రమ్మందువోగడప దాటనీకుండ ఎద కుంగ పొమ్మందువో

ఎదపైన ఎద వాల్చి ఎడద సవ్వడులు పెంతువో
హృదిలోన హృది కలిపి ఎద సంగతులు వినిపింతువో

నీ వయసు నీ సొగసు నీ కమ్మని మనసు
నా సొంతమై మురిసెదమొ జీవితాంతము

కరమున కరము కలిపి పదములేడు కలిసి నడచెదమో
హృదయాల ఉయ్యాల సరసాల జంపాల
సామజవరగమనాల తనువులు తనివి చెంది
ఉరమున ఉరము చేర్చి ఊరువుల అల్లుకుని
మదనుని కదనము చేసెదమో

కమ్మని నీ మనసు రమ్మని మరి మరి
ఇమ్ముగ పిలువ చేరికకు సిద్ధమగుదమో
విననీయి నీ పలుకులు వేడుక మీర
కననీయి నీ సొగసులు కామితము దీర
పెనవేయి బాహులతలు బిగికౌగిలి తీర
కలవేయి సుందరముగ తనువులు తమి దీర

నీరూపు చూసి నీ మేని హోయలుకు మురిసి
నీ వయసు నీ సొగసు నా కన్నుల్లొ నిండి
హృది సందడులు సేయ నీ గుండె తలుపులు తడితే

తెరచి తలుపులు ఎద పొంగ రమ్మందువో
గడప దాటనీకుండ ఎద కుంగ పొమ్మందువో

పరికిణీ ఎత్తిన పైట సర్దిన బట్ట సవరించిన కంట చూసిన
పట్టలేను మనసు; అందముల విందు చేయు అమ్మడూ!రాధా!