అభిసారికయైన ప్రేయసి

అభిసారికయైన ప్రేయసి

ప్రేయసిని నేను
నీ రక రకాల శ్రేయస్సును నేను
సఖా! అరుదెంచవోయీ మానస రమణా!

చల్లని పున్నమి వెన్నెల ఆహ్లాదముగా నున్నది
మనసు రసభరితమై ఊపుతున్నది

మన్మథుడు అనంగుడైనను అంగముల
నిలువనీకున్నాడు రాతి గుండె వాడు

ఆ అసమశరుని అమ్ముల ములుకులకు
తాళలేకున్నను ప్రియుడా! రమ్ము వెంటనే
కమ్ము జుంటు తేనియల విందారగించు భ్రమరము
వహించి యున్నాను నిండుగా మధువులు నీకై

ఓలలాడెదము ఆనందాబ్ధిని రారా రసావతారా!
మేనుల కలయికలో మనసుల డోలికలలో మనోహరా!
అనుభవింతము అద్వైతమును
మనసా వచసా కర్మణా!