భాషలు - భామినులు

భాషలు భామినులు

భాషలు భామినులు కరతలామలకమగుదురు
దీక్షగా, శ్రద్ధగా చదివి నేర్చుకున్న యెడల;
దీక్ష, శ్రద్ధలు లోపించిన, వారిని చదువుట పొసగదు;
భాషలలో వ్యాకరణము, భామినులలో చంచలత్వము
చదువును సాగదీయును; బుర్రను సానపెట్టును

వచనము, లింగము, విభక్తి, సంధి, సమాసము,
విగ్రహ వాక్యములు, అలంకారములు; భాషలు,
భామినులకు సమానములు; అన్యదేశ్యములు,
తత్సమములు, తద్భవములు, అవ్యయములు
అంతా, అన్నీ కఠస్థము వచ్చి కేలుల కొసల నుండవలెను
లేనిచో రమణీయార్థము లందని మ్రానిపండ్లగును

వాని యందు తత్పరత, లీనత, రసైక్యత శూన్యమగును

శాస్త్ర పరిచయము, ఇందుముఖీ విలాసపరిచయము
కమనీయ బంధమునకు కలసివచ్చును; పరిచయము
ప్రణయబంధమగును రసికత తెలిసిన; అసిధారా వ్రతము
రమణీ రంజనము, భాషా వైదుష్యము, కవనోదయములును 

కవిత:

మనసు - వరమా? శాపమా?                  రచన: డా. వారణాసి రామబ్రహ్మం

మనసు గతులు అన్ని సంగతులు

స్థితులు అన్ని అనుభవములు

భావముల వాము మనసు; ఆహారము మన అందరకు

ఇచ్చును పుష్టి, తుష్టి;   పరమేష్ఠి కరుణ మనసు సోయగము

శబ్దము లేని అలజడి

మనసు సవ్వడి, సడి, సుడి

రూపు లేని భ్రమలు

దాని గంతులు, పొంగులు, క్రుంగులు

దాని సడులు తిప్పు సుడులు

దాని మడులు యువతకు పీడలు;

దాటిన వారికి "అమృత భాండముల" పానము

ఆ పై ఆగని కోరికల మంటలు

మనసు చెలియ, రిపుడు

మనం ఉపయోగించడాన్ని బట్టి

కలిగించును సడులు, తీపులు, తీపులు

వాపులు, వలపులు, తలపులు, విలాపములు

అన్ని బంధములకు విరాగములకు కేంద్రము

వెతల, వేదనల, ఉత్సాహముల సంద్రము

మనసు; మనుషులకు ఒక సొగసు

ప్రకృతి ఇచ్చిన వరము?; శాపము?

మనసు ప్రకృతి రూపము

ఆత్మ ప్రతిరూపము