తాటాకు చప్పుళ్ళకు కుందేళ్ళు బెదరవు

తాటాకు చప్పుళ్ళకు కుందేళ్ళు బెదరవు


తాటాకు చప్పుళ్ళకు కుందేళ్ళు బెదరవు
నల్లధనంపై ప్రభుత్వ ప్రకటనలకు నల్లకుబేరులు
బెదరరు; ప్రభుత్వాలు ఎంత కాళ్ళబేరాలకు వచ్చినా
ఎన్నిసార్లు ఎన్ని రాయితీలిచ్చినా కదలరు మెదలరు వాళ్ళు;

అడ్డ, నిలువు దారులలో ధనము పోగేసిన వారు; వకీళ్ళు,
ఒకదానిపై ఒకటి ఇన్ని కోర్టులు; వేయిమంది నేరస్థులు
శిక్షింపబడక తప్పించుకున్నా పరవాలేదు నేరస్థుడు కానివాడు
ఒక్కడూ శిక్షింపబడకూడదన్న ఉదారాశయమున న్యాయస్థానములు,

న్యాయమూర్తులిచ్చు వెసులుబాటులు పూర్తిగ వినయోగించుకొనుచు,
లాయర్ల మేపుచు ఎంత పొడుగైనదైనను న్యాయ వ్యవస్థ చేతికి చిక్కక
తమ క్రమ, అక్రమ ఆర్జనల తరతరములూ ఆనందించు నల్లధన కుబేరులు;
తమ అంచనాలు తప్పిన అరుదైన సమయములలో విదేశములకు పారిపోయి

కులుకుచుందురు; తమ పలాయనమునకు సాయము చేసిన ప్రభుత్వములోని
స్నేహితుల చేతులు తడుపుచు, తడబడక హాయిగానుందురు; న్యాయ
వ్యవస్థ ఉదారతను గేలిచేయుచు; నేరస్థులము కాదనుచు డబాయించుచు
సుఖముగనుండెదరు; న్యాయ వ్యవస్థ తన పని తాను నిరంతరంగా చేసుకు
పోతూనే ఉంటుంది ఈ "సంపన్నుల" కేలు కదల్చలేకపోయిననూ; అంతా మిథ్య,
మాయ, ఇంద్రజాలము; నల్లకుబేరులూ, పాలకులూ శయనమున పడుగు పేకలు