Our Mind; విషాద పరిణామం - కోలుకోలేని దెబ్బ; నాగరికతా శిఖరాగ్ర వసనం

Our Mind

Our mind has phases as the moon. It waxes and wanes as the moon. Our blissful state of mind is full moon. Our blank state of mind is new moon. In between we experience happiness or unhappiness, joys or sorrows depending on our identify and relation with ourselves, persons, things and happenings.

********* 


విషాద పరిణామం - కోలుకోలేని దెబ్బ

బంజరు భూములు మారాయి పంటపొలాలుగ కాటన్
దొర పుణ్యమా అని సస్యశ్యామలం అయ్యాయి గోదావరి
జిల్లాలు; అత్యాశాపరుల పాపమా అని పంటపొలాలు
అగుచున్నవి చేపలు చెఱువులు; మాగాణి భూములు

మారుచున్నవి చవిటి నేలలుగ; కరువు కాటకాలకు

నెలవులుగ; ముందటి వలె అగుచున్నవి పంటలు పండని
భూములుగ; చరిత్ర పునరావృతమగుచున్నది; మము
బోంట్లకు గుండె చెఱువగుచున్నది; పొలాలు వాళ్ళవే

మరి జలములు అందరివీ; నీరు ఇకపై చవకగా పంటలు
పండించదు; అందరమూ భారీ మూల్యము చెల్లించి
కొందరు కోటీశ్వరులగుటకు సమిష్టిగా మూగలమైతిమి;
ప్రజాక్షేమం పట్టని; ప్రతిదానిలో స్వార్ధమునకై వేలు పెట్టి

అన్ని వ్యవస్థలను భ్రష్టు పరుచుకున్న కామందులైన ప్రజా
నాయకులు వారి భృత్య అనుచర వర్గం మనకు దాపురించి
మన జీవితములతో పర్యావరణంతో ప్రమాదకరంగా ఆడు
కొను దుర్గతి పట్టుట గోదావరి జిల్లాల శనిదశాసంచారం;

సస్యశ్యామల ప్రదేశం చవిటియగుట గుండెల పిండు
విషాద పరిణామం; జలములు కలుషితమగుట కనులకు
విందు చేయు పచ్చదనాలు లేకుండుట కోలుకోలేని దెబ్బ

************ 
 సినీతారల నుంచి రాజకీయ నాయకుల
వరకు నాసిరకాన్ని నెత్తినెట్టుకునే మనకి
కళా హృదయం లేదు మన బాగు మనకి
తెలియదు; మన అభిరుచులే మనకి అడ్డు
*************

నాగరికతా శిఖరాగ్ర వసనం

మద్యమును మించిన పానీయము లేదు; అమృతము:
దానికై జాతీయ రహదారులు రాష్ట్ర రహదారులగుచున్నవి
జి. ఎస్. టి నుంచి దానికి మినహాయింపు ఉన్నది; శ్రమ
జీవులు ఊర్లో నడిబొడ్డులోని మద్యం దుకాణాలకు వెళితే;

సంపన్నులు పబ్ లకు వెళతారు; ఎంత తాగుబోతైతే
సంఘంలో అంత మన్నన; మద్యం సేవించి వాహనం
నడిపి యమధర్మరాజైనా పర్వాలేదు; న్యాయవాదులు
 న్యాయ స్థానాలు న్యాయమూర్తులు శిక్షలు పడకుండా కాస్తారు;

తాగుబోతులకు సంఘంలో సానుభూతి ఎక్కువ;
ఏ నేరం చేసినా పాపం తాగుబోతు అంటారు; చేస్తున్నట్టే
తెలియదు పాపం వాడికి; దానికి; స్త్రీ పురుష భేదం
లేకుండా మత్తులో మజా చేయించే ద్రవ్యరాజము;

అదంటే మందు బాబులకు అనురాగం; ఇంటినీ వంటినీ
గుల్ల చేసికుంటూ ఇల్లాలిని క్షోభ పెడుతూ సంఘ విద్రోహు
లైనా ప్రభుత్వాల మనుగడకు పునాదియైన మద్యసేవనం
అమర పానీయం; అమీర్ లకు స్ధాయీ ప్రదర్శనం; అమిత

ప్రీతికరమైన మద్యపానం మధు సేవనం సరస సల్లాపాలకు
ప్రథమ సోపానం; మద్యం స్త్రీ పురుషుల సమాగమానికి
నాందీ ప్రస్తావన; నడుములపై చేతులు వేసికుంటూ ఒకరి
నొకరు పొదివి పట్టుకుని సయ్యాట వంటి కాళ్ళ ఊపులు

నాగరికతా చిహ్నం; మద్యనిషేధం ప్రభుత్వ రాబడి తగ్గించు;
అమాయకపు ప్రభుత్వాల నడ్డి విరచు; తప్పుడు ఆర్ధిక
నిర్ణయం అని ఆర్ధిక శాస్త్రవేత్తలచే విమర్శింపబడు;
అది నిజమే అని ఇంగితజ్ఞులు అందురు; సురాపానము

కల్లైనను, బీరైనను, బ్రాందీ అయినను, రమ్మైనను, విస్కీ
యైనను ఆరోగ్య ప్రదాయిని ఆ మద్యసేవనం; యువకుల
యువతుల వెఱ్ఱెక్కించి ఒకరిపై ఒకరు పడుచు పడుచు
దనాల పండుగలు, ఇచ్చి పుచ్చుకోవడాలు చేయించు

దేవతానుగ్రహమనిపించు సౌఖ్యదాయిని; విందులలో
స్త్రీ పురుషుల కలయికలలో ఏఱులై పాఱు ద్రవ్యతేజం
మద్యసేవనం ఇహ పరార్ధసాధకం; పరమం; పరిమాణ
ఘోష ఎఱుగని నిత్య పూజ; మనుషులకు మదిరాపానం

మందిర గమనం సదృశం; పునస్కారములు పురస్కారాలు
అన్నీ మధువ రతిలో ఓలలాడిన మధురానుభూతి నిచ్చు;

మద్యసేవనం మదిరాపానం
నాగరికతా శిఖరాగ్ర వసనం