ఈశావాస్యోపనిషత్ - భాష్యము - జ్ఞానబోధ మీమాంసా దృష్టి - 1
పీఠిక:
ఉపనిషత్తులు భారతీయ తత్త్వశాస్త్రము యొక్క తల్లి వేరులు. “ఇంతింతై వటుడింతై చందముగ ఎదిగిన త్రివిక్రమ స్థితి భారతీయ తత్త్వశాస్త్రమునకు కలగడానికి ఆధారము, కారణము ఉపనిషత్తులు. వేదములలోని జ్ఞానశాఖకు చెందినవి ఉపనిషత్తులు.
మనకు ఇంత వరకు ఉపనిషత్తుల భాష్యము ముఖ్యముగా అద్వైత పరము గాను, విశిష్టాద్వైత పరముగాను, ద్వైత పరముగాను, శాక్తాద్వైత పరముగానూ లభిస్తువ్నాయి. చాలామంది ఆచార్యులు మనకు దైవపరముగా వ్యాఖ్యానములను అందించారు. ఈ పై తత్త్వ గ్రంథములనన్నిటినీ జ్ఞానబోధ మీమాంసా పరముగాను వ్యాఖ్యానించవచ్చు. ఇది ఉపనిషత్తుల అసలు దృష్టి. జ్ఞానబోధ మీమాంస ఆంగ్ల అనువాదము cognitive science.
ఈ దృష్టిని ఆస్తికులు అభినందించలేకపోవచ్చు. సత్యము, జ్ఞానము మన ఇష్టాయిష్టములకు అతీతము.
"సత్యమ్ జ్ఞానమ్ అనంతమ్ బ్రహ్మా".
మనకు "ఏకమ్ సత్ విప్రాః బహుధా వదంతి" అని తెలిసిన విషయమే కదా.
వేదములలోని జ్ఞానశాఖకు చెందిన ఉపనిషత్తులు “సత్” ప్రతిపాదికములు.
“సత్” పదము ‘అస్’ ధాతువునకు నపుంసక లింగ ఏక వచన ‘శత్రు’ రూపము (present continuous form). ‘అస్’ ధాతువు యొక్క ఈ రూపము వర్తమానములో, ఉంటూ ఉన్నదాన్ని సూచిస్తుంది. అలా “సత్” పదము వర్తమానములో సదా ఉండే వస్తువు ఉనికిని తెలియజేస్తుంది. ‘అస్’ ధాతువు, ఆంగ్ల భాషలోని “to be” అని infinite form కల క్రియ యొక్క present continuous form –Being.
అలా “సత్” పదము వస్తువు వర్తమానపు సదా ఉనికిని తెలియజేస్తుంది. ఏ వస్తువు? ఆ వస్తువుని సంస్కృత భాషలో ‘బ్రహ్మా’ అనీ, ‘ఆత్మా’ అనీ సూచిస్తారు. తెలుగు భాషలో వాటిని ‘బ్రహ్మము’, ‘ఆత్మ’ అంటారు. ఆ విధముగా ‘సత్’ అనగా అస్తమానూ ఉంటూండేది అని తాత్పర్యము. భూత, భవిష్యత్, వర్తమానములలో, వాటికి అతీతంగా కూడా ఉండేది అని సారాంశము.
శాంతి మంత్రము
ఓం పూర్ణమద: పూర్ణమిదమ్ పూర్ణాత్ పూర్ణముదచ్యతే |
పూర్ణస్య పూర్ణమాదాయ పూర్ణమేవావశిష్యతే ||
|| ఓం శాంతి శ్శాంతి శ్శాంతి: || .
పూర్ణత్వము సమృద్ధిని, నిరపేక్షతను, తెలియజేస్తుంది. స్వయం సమృద్ధ: పూర్ణ:.
‘ఆత్మా సత్’, ‘బ్రహ్మా సత్’ అని వ్వవహరిస్తారు. ఇందాకా చెప్పినట్టు ‘సత్’ అనగా ఉనికిని సదా కలిగి ఉన్నది అని సారము.
అలా అద: అంటే బ్రహ్మము లేక ఆత్మ.
ఇదమ్ అంటే జగత్. ఇది Becoming. ముందు చెప్పినట్టు ఆత్మ Being. మానసిక కార్యకలాపములు మొదలవడం, జరగడం, విరమింపబడడం లను ఇదమ్ సూచిస్తుంది. అలా జగత్ అంటే మనసు, ఇతర అంత:కరణములు పనిచేయు మానసిక సమయము; మానసిక దశ. ఉపనిషత్తులు ఆత్మను, బ్రహ్మమును అనుభవపూర్వకముగా ప్రతిపాదించాయి. ఉపనిషత్తులలో ఆత్మజ్ఞానము / బ్రహ్మజ్ఞానము ఉంది. నూట ఎనిమిది పైన ఉపనిషత్తులు మనకి లభిస్తువ్నాయి. వీటిలో పదకొండు ఉపనిషత్తులను ముఖ్యమైనవిగా పేర్కొని ఆది శంకరాచార్యులు అద్వైత పరంగా వ్యాఖ్యానించారు. ఈశావాస్యోపనిషత్ వాటిలో ఒకటి.
ఉపనిషత్తులు, ఆత్మను గురించి మాట్లాడినపుడు చైతన్యమనీ (శక్తి పరముగా), బ్రహ్మమును గురించి మాట్లాడినప్పుడు వస్తువని, పదార్థమనీ అన్నాయి. వాసనా-భావ-నామ-రూప రహిత వస్తువును పదార్థము అన్నాయి. అలా ఆత్మశక్తి లేక ఆత్మచైతన్యము అనీ, బ్రహ్మపదార్థము అనీ మాటలు వాడుకలోకి వచ్చాయి.
అయమ్ ఆత్మా బ్రహ్మా - అనే ఉపనిషత్ మహావాక్యము, ఆత్మ, బ్రహ్మము ఒకటే అని తెలిపింది.
అహమ్ బ్రహ్మాస్మి, ప్రజ్ఞానమ్ బ్రహ్మా, తత్ త్వమ్ అసి, రసోవై సః, ఆనందో బ్రహ్మా, సర్వమ్ ఖలు ఇదమ్ బ్రహ్మా- అనేవి ఇతర ప్రసిద్ధ ఉపనిత్ మహావాక్యములు.
వీటన్నిటినీ శ్రద్ధతో అవగాహన చేసికోవాలి. ఇందుకు మనకు ఉపనిషత్ స్రష్టల నుంచి ఆధునికులైన రమణ మహర్షి ప్రభృతుల వరకు అందించిన అవగాహనలు ఎంతో ఉపయోగిస్తాయి. ఈ భాష్యము అందరు ఆచార్యులను, వారి అనుగ్రహభాషణములను సమానమైన గౌరవముతో అవగాహన చేసికుంటుంది. ఉపయోగించుకుంటుంది.
ఉపనిషత్ పరిభాషలో అద:, అహమ్, ఇదమ్ ప్రత్యేకమైన గ్రహింపునిస్తాయి.
అహమ్ అన్నా, అద: అన్నా, ఆత్మా అన్నా, బ్రహ్మా అన్నా ఒకే వస్తు చైతన్యము సూచించబడుతుంది. విజ్ఞానశాస్త్రములలో సాంకేతిక పదములుండి, వాటికి ప్రత్యేకమైన అర్థములుంటాయి. అలానే ఉపనిషత్తులలో, తత్త్వశాస్త్ర గ్రంథములలో ఎన్నో సాంకేతిక పదములుంటాయి. వాటి ప్రాచుర్యార్థము వేరు, సాంకేతికతార్థము వేరు.
పై ఉపనిషత్ శాంతి పాఠ శ్లోకములో సూచించబడిన అద: పూర్ణమైనది. ఇదమ్ పదము మానసిక కార్యక్రమముల నిర్వహణను, వాటి స్వరూప, స్వభావములను సూచిస్తుంది. పైన చెప్పినట్టు ఇదమ్ ని జగత్ అంటారు. ప్రపంచమనీ అంటారు. జగత్ కు ప్రపంచానికీ స్వల్ప, సూక్ష్మ సాంకేతిక భేదముంది.
ముందు అద:, ఇదమ్, జగత్ ల గురించి పరామర్శించుకొని ప్రపంచ పదాన్ని, దాని నిర్వచనము, అవగాహనలను పరామర్శించుకుందాము.
శ్లో|| అస్తి భాతి ప్రియం నామం రూపమ్ ఇతి అంశ పంచకమ్|
ఆద్యత్రయం బ్రహ్మరూపం తతో ద్వయమ్ జగత్ రూపమ్||
( వేదాంత పంచదశి)
ప్రపంచం అస్తి, భాతి, ప్రియము, నామము, రూపము అనే ఐదు అంశములతో ఏర్పడింది. మొదటి మూడు బ్రహ్మ రూపము, చివరి రెండూ జగత్ రూపము.
జాయతే, గచ్ఛతే ఇతి జగత్ అని ఒక నిర్వచనము. పుట్టి, విరమింపబడేది, లేకుండా పోయేది జగత్ అని దీని అర్థము.
ఈ వ్యాఖానము భగవత్ పరముగా మాత్రమే చేయబడదు.
ముఖ్యముగా జ్ఞానబోధ మీమాంసా దృష్టితో చేయబడతుంది.
ఈశావాస్యోపనిషత్ - భాష్యము
అథవాజసనేయినాం సంహితోపనిషదం వ్యాఖ్యాస్యామః
మొదటి శ్లోకము
ఓం ఈశావాస్యమ్ ఇదమ్ సర్వమ్
యత్ కిం చ జగత్యాం జగత్
తేన త్యక్తేన భుఞ్జీథా
మా గృధః కస్యస్విద్ధనమ్
పీఠిక:
ఉపనిషత్తులు భారతీయ తత్త్వశాస్త్రము యొక్క తల్లి వేరులు. “ఇంతింతై వటుడింతై చందముగ ఎదిగిన త్రివిక్రమ స్థితి భారతీయ తత్త్వశాస్త్రమునకు కలగడానికి ఆధారము, కారణము ఉపనిషత్తులు. వేదములలోని జ్ఞానశాఖకు చెందినవి ఉపనిషత్తులు.
మనకు ఇంత వరకు ఉపనిషత్తుల భాష్యము ముఖ్యముగా అద్వైత పరము గాను, విశిష్టాద్వైత పరముగాను, ద్వైత పరముగాను, శాక్తాద్వైత పరముగానూ లభిస్తువ్నాయి. చాలామంది ఆచార్యులు మనకు దైవపరముగా వ్యాఖ్యానములను అందించారు. ఈ పై తత్త్వ గ్రంథములనన్నిటినీ జ్ఞానబోధ మీమాంసా పరముగాను వ్యాఖ్యానించవచ్చు. ఇది ఉపనిషత్తుల అసలు దృష్టి. జ్ఞానబోధ మీమాంస ఆంగ్ల అనువాదము cognitive science.
ఈ దృష్టిని ఆస్తికులు అభినందించలేకపోవచ్చు. సత్యము, జ్ఞానము మన ఇష్టాయిష్టములకు అతీతము.
"సత్యమ్ జ్ఞానమ్ అనంతమ్ బ్రహ్మా".
మనకు "ఏకమ్ సత్ విప్రాః బహుధా వదంతి" అని తెలిసిన విషయమే కదా.
వేదములలోని జ్ఞానశాఖకు చెందిన ఉపనిషత్తులు “సత్” ప్రతిపాదికములు.
“సత్” పదము ‘అస్’ ధాతువునకు నపుంసక లింగ ఏక వచన ‘శత్రు’ రూపము (present continuous form). ‘అస్’ ధాతువు యొక్క ఈ రూపము వర్తమానములో, ఉంటూ ఉన్నదాన్ని సూచిస్తుంది. అలా “సత్” పదము వర్తమానములో సదా ఉండే వస్తువు ఉనికిని తెలియజేస్తుంది. ‘అస్’ ధాతువు, ఆంగ్ల భాషలోని “to be” అని infinite form కల క్రియ యొక్క present continuous form –Being.
అలా “సత్” పదము వస్తువు వర్తమానపు సదా ఉనికిని తెలియజేస్తుంది. ఏ వస్తువు? ఆ వస్తువుని సంస్కృత భాషలో ‘బ్రహ్మా’ అనీ, ‘ఆత్మా’ అనీ సూచిస్తారు. తెలుగు భాషలో వాటిని ‘బ్రహ్మము’, ‘ఆత్మ’ అంటారు. ఆ విధముగా ‘సత్’ అనగా అస్తమానూ ఉంటూండేది అని తాత్పర్యము. భూత, భవిష్యత్, వర్తమానములలో, వాటికి అతీతంగా కూడా ఉండేది అని సారాంశము.
శాంతి మంత్రము
ఓం పూర్ణమద: పూర్ణమిదమ్ పూర్ణాత్ పూర్ణముదచ్యతే |
పూర్ణస్య పూర్ణమాదాయ పూర్ణమేవావశిష్యతే ||
|| ఓం శాంతి శ్శాంతి శ్శాంతి: || .
పూర్ణత్వము సమృద్ధిని, నిరపేక్షతను, తెలియజేస్తుంది. స్వయం సమృద్ధ: పూర్ణ:.
‘ఆత్మా సత్’, ‘బ్రహ్మా సత్’ అని వ్వవహరిస్తారు. ఇందాకా చెప్పినట్టు ‘సత్’ అనగా ఉనికిని సదా కలిగి ఉన్నది అని సారము.
అలా అద: అంటే బ్రహ్మము లేక ఆత్మ.
ఇదమ్ అంటే జగత్. ఇది Becoming. ముందు చెప్పినట్టు ఆత్మ Being. మానసిక కార్యకలాపములు మొదలవడం, జరగడం, విరమింపబడడం లను ఇదమ్ సూచిస్తుంది. అలా జగత్ అంటే మనసు, ఇతర అంత:కరణములు పనిచేయు మానసిక సమయము; మానసిక దశ. ఉపనిషత్తులు ఆత్మను, బ్రహ్మమును అనుభవపూర్వకముగా ప్రతిపాదించాయి. ఉపనిషత్తులలో ఆత్మజ్ఞానము / బ్రహ్మజ్ఞానము ఉంది. నూట ఎనిమిది పైన ఉపనిషత్తులు మనకి లభిస్తువ్నాయి. వీటిలో పదకొండు ఉపనిషత్తులను ముఖ్యమైనవిగా పేర్కొని ఆది శంకరాచార్యులు అద్వైత పరంగా వ్యాఖ్యానించారు. ఈశావాస్యోపనిషత్ వాటిలో ఒకటి.
ఉపనిషత్తులు, ఆత్మను గురించి మాట్లాడినపుడు చైతన్యమనీ (శక్తి పరముగా), బ్రహ్మమును గురించి మాట్లాడినప్పుడు వస్తువని, పదార్థమనీ అన్నాయి. వాసనా-భావ-నామ-రూప రహిత వస్తువును పదార్థము అన్నాయి. అలా ఆత్మశక్తి లేక ఆత్మచైతన్యము అనీ, బ్రహ్మపదార్థము అనీ మాటలు వాడుకలోకి వచ్చాయి.
అయమ్ ఆత్మా బ్రహ్మా - అనే ఉపనిషత్ మహావాక్యము, ఆత్మ, బ్రహ్మము ఒకటే అని తెలిపింది.
అహమ్ బ్రహ్మాస్మి, ప్రజ్ఞానమ్ బ్రహ్మా, తత్ త్వమ్ అసి, రసోవై సః, ఆనందో బ్రహ్మా, సర్వమ్ ఖలు ఇదమ్ బ్రహ్మా- అనేవి ఇతర ప్రసిద్ధ ఉపనిత్ మహావాక్యములు.
వీటన్నిటినీ శ్రద్ధతో అవగాహన చేసికోవాలి. ఇందుకు మనకు ఉపనిషత్ స్రష్టల నుంచి ఆధునికులైన రమణ మహర్షి ప్రభృతుల వరకు అందించిన అవగాహనలు ఎంతో ఉపయోగిస్తాయి. ఈ భాష్యము అందరు ఆచార్యులను, వారి అనుగ్రహభాషణములను సమానమైన గౌరవముతో అవగాహన చేసికుంటుంది. ఉపయోగించుకుంటుంది.
ఉపనిషత్ పరిభాషలో అద:, అహమ్, ఇదమ్ ప్రత్యేకమైన గ్రహింపునిస్తాయి.
అహమ్ అన్నా, అద: అన్నా, ఆత్మా అన్నా, బ్రహ్మా అన్నా ఒకే వస్తు చైతన్యము సూచించబడుతుంది. విజ్ఞానశాస్త్రములలో సాంకేతిక పదములుండి, వాటికి ప్రత్యేకమైన అర్థములుంటాయి. అలానే ఉపనిషత్తులలో, తత్త్వశాస్త్ర గ్రంథములలో ఎన్నో సాంకేతిక పదములుంటాయి. వాటి ప్రాచుర్యార్థము వేరు, సాంకేతికతార్థము వేరు.
పై ఉపనిషత్ శాంతి పాఠ శ్లోకములో సూచించబడిన అద: పూర్ణమైనది. ఇదమ్ పదము మానసిక కార్యక్రమముల నిర్వహణను, వాటి స్వరూప, స్వభావములను సూచిస్తుంది. పైన చెప్పినట్టు ఇదమ్ ని జగత్ అంటారు. ప్రపంచమనీ అంటారు. జగత్ కు ప్రపంచానికీ స్వల్ప, సూక్ష్మ సాంకేతిక భేదముంది.
ముందు అద:, ఇదమ్, జగత్ ల గురించి పరామర్శించుకొని ప్రపంచ పదాన్ని, దాని నిర్వచనము, అవగాహనలను పరామర్శించుకుందాము.
శ్లో|| అస్తి భాతి ప్రియం నామం రూపమ్ ఇతి అంశ పంచకమ్|
ఆద్యత్రయం బ్రహ్మరూపం తతో ద్వయమ్ జగత్ రూపమ్||
( వేదాంత పంచదశి)
ప్రపంచం అస్తి, భాతి, ప్రియము, నామము, రూపము అనే ఐదు అంశములతో ఏర్పడింది. మొదటి మూడు బ్రహ్మ రూపము, చివరి రెండూ జగత్ రూపము.
జాయతే, గచ్ఛతే ఇతి జగత్ అని ఒక నిర్వచనము. పుట్టి, విరమింపబడేది, లేకుండా పోయేది జగత్ అని దీని అర్థము.
ఈ వ్యాఖానము భగవత్ పరముగా మాత్రమే చేయబడదు.
ముఖ్యముగా జ్ఞానబోధ మీమాంసా దృష్టితో చేయబడతుంది.
ఈశావాస్యోపనిషత్ - భాష్యము
అథవాజసనేయినాం సంహితోపనిషదం వ్యాఖ్యాస్యామః
మొదటి శ్లోకము
ఓం ఈశావాస్యమ్ ఇదమ్ సర్వమ్
యత్ కిం చ జగత్యాం జగత్
తేన త్యక్తేన భుఞ్జీథా
మా గృధః కస్యస్విద్ధనమ్
No comments:
Post a Comment