నల్లధనం నాగరికానికి సోయగం

ధనవంతులు దాచిన నల్లధనం చిరాయువు;
దానినెవరు ముట్టలేరు,పట్టలేరు; అవినీతితో
నల్లధనం పోగేయడం నాగరికానికి సోయగం,
ఆయువు పట్టు ఆర్ధిక నేరస్థులకు, అక్రమార్కులకు

నల్లధనం గురించి అల్లరి చేయడం గొడవ పెట్టడం
అనాగరికత; కొందరికే డబ్బు రకరకాల క్రమాక్రమ మార్గాలలో
వచ్చిపడుతూండగా; ఏ విధముననైననూ సిరి తావచ్చి
తలుపు తట్టుచున్న వేళ, తీయని వాడెవడు? తీయనిది

కదా ఆస్తుల సమీకరణ! ధనవంతుడగుట మనిషి
ప్రథమ కర్తవ్యము; ఎటులైననూ ధనసంచయము చేయుట
నేటి సంఘనీతి; ఎన్ని బ్యాంకులలో ఎంత నల్లధనమున్న
అంత గౌరవము; నల్లదో, తెల్లదో, డబ్బున్నవాడే దొర; దొంగైననూ

నల్ల ధనము పోగేయుట మనిషి "తెలివితేటలకు" చిహ్నము
సంఘమున పరపతికి గౌరవమునకు మెచ్చుకోలుకు ఆధారము