ఇప్పటి అమ్మాయిలు

ఇప్పటి అమ్మాయిలు


ఇప్పటి అమ్మాయిలు ఉద్యోగం ఒక్కటీ చేసి మిగిలిన జీవితాన్ని అనుభవించడానికిి ఖాళీయే లేకుండా చేసికుంటున్నారు. ఒకరితో ఒకరు పోల్చుకుని జీవించడం కృత్రిమం అవుతుంది. మగవారితో పోల్చుకొని జీవించడం వల్ల ఆడవాళ్ళు, ప్రకృతి వాళ్ళకి అమర్చిపెట్టిన విధిని పాటించడానికి ఇష్టపడడం లేదు. వారికి సహజమైన లాలిత్యము, అనురాగము, మార్దవము, చూపించే సావకాశములే రాకుండా పోతున్నాయి.

ప్రేమానురాగములు వర్షించడం, తిరిగి వాటిని పొందడం స్త్రీలకు ప్రకృతి ఇచ్చిన వరం. అది వారి ప్రకృతి కూడా. అలా జరగక పోతే వైకల్యములు కలుగుతాయి. దురదృష్టవశాత్తు నేటి జీవన విధానములో ఆ ప్రకృతిని చూపే అవకాశమే ఉండటం లేదు. ప్రేమానురాగములు ఇచ్చి, పుచ్చుకోవడం పురుషులకన్న స్త్రీలకు వారి మానసిక ఆరోగ్యానికి మరింత అవసరం. 

ఇలా ఆడువారు ఇచ్చే, పుచ్చుకునే, ప్రేమానురాగాలు కోల్పోతున్నారు. ఈ లోటు, లోపము మానసిక అనారోగ్యనుునకు దారితీయవచ్చు.‌ ఇది లోటు, లోపము అవునా, కాదా అనేది ఎవరికి వారు స్ఫూర్తితో పరిశీలించి, తేల్చుకుని, అలా అనుసరించాలి. ఇది ఇంగితానికి సంబంధించిన విషయము.

ప్రక్కన ఉన్న కుటుంబ సభ్యుల గురించి‌ ఏమీ‌ తెలుసుకోవటం లేదు, పట్టించుకోవటం లేదు. దగ్గర ఉన్నవారు ఆనటంలేదు. ఎక్కడివారో‌ "దగ్గర" వారవుతున్నారు.‌ ఇది స్త్రీ, పురుషులకు సమానంగా వర్తిస్తుంది. ఇలా ఉండడం తెలివైన, వివేకముతో కూడిన విషయము కాదు.

మనిషికి, స్త్రీలకి, పురుషులకు‌ వారి వారి ప్రకృతీ, స్వభావములు, ధర్మములకు అనుగుణంగా జన్యువుల ప్రభావంతో‌ అవయవాలు, మనస్సులు ఏర్పడతాయి. మన జీవన విధానముతో ఈ ఏర్పడడాన్ని పరిగణించక అడ్డుకుంటే మానసిక ధర్మములు,‌ అవసరములు, ఘర్షణ చెంది వికల మానసములు, వికృతులు రూపుదిద్దుకుంటాయి.
అన్ని జంతువులలాగే స్త్రీ, పురుషులు ప్రకృతి కార్యము నిర్వహించడానికి పరిణమించారు. ప్రకృతులకు తగ్గ‌ట్టు జీవించక నాగరికత, ఆధునికత పేరుతో ప్రకృతితో పరాచకాలు ఆడడం తెలివియైన పనికాదు. ప్రకృతికి స్ఫురణ, ఆవేశము తప్ప ఆలోచన ఉండదు. ప్రకృతికి ఆవేశమొస్తే ఎవరూ పట్టలేరు. ఎవరూ ఆపలేరు. ఎవరూ ఆగలేరు. మన విజ్ఞానము, గణితము, ప్రణాళికలలోనికి ప్రకృతీ వర్తనము ఇమడదు.

It is chemistry rather biochemistry in the form of genes and hormones that define and direct us, the human beings. We, humans, the embodiment of Physics and Chemistry and are essentially a biochemical and biophysical beings. This must never be forgotten whatever is our "progress", advancement and modernity. We must not move too far from our basic natures and natural responsibilities. We do so at our peril. One must be aware of this reality when choosing life and life styles.

ప్రకృతి ఇచ్చిన స్ఫూర్తితో జీవించాలో, లేక ప్రకృతి ఆవేశములో కొట్టుకుపోవాలో, అన్నీ బేరీజు వేసికొని ఎవరికి వారు నిర్ణయించుకొని జీవించాలి. ఇప్పుడు మేధావులూ ఏమీ తులనాత్మకముగా పరిశీలించక, బాధ్యతతో చూడక, ఒకటి రెండు వాదములకు వశులై అనారోగ్యకర ధోరణులను ప్రచారము చేస్తున్నారు. వాటి కొమ్ము కాస్తున్నారు.

జన్యువులు, హార్మోనులు మనలను స్త్రీ, పురుషులు గా విడదీసి, తదనుగుణ ఊహలు, కోరికలు, క్రియలు జరిగేలా చూస్తాయి. చదువు, ఉద్యోగము మన కల్పన. ప్రకృతికి ఈ చదువులు, ఉద్యోగాలు, ఆధునికతలు పట్టవు.
అందువల్ల స్త్రీ, పురుషులు తాము, తాము జీవన ప్రాధాన్యములను నిర్ణయించుకొని జీవనం సాగించడం తక్కువ క్లేశకరంగా ఉండవచ్చు. ప్రకృతీ‌ పులకించవచ్చు.

మనసులు ఆహ్లాదమయములు కావచ్చు.