భాషా, కుల, మత దురభిమానాలుకవుల అగచాట్లు ; పొగ; Love, science and religion'

భాషా, కుల, మత దురభిమానాలు

తెలుగు భాష మీద మనలో చాలా మందికి ప్రేమాభిమానాలు కాదు కాని మన ప్రాణం మీదికి వస్తోంది. అలాగే హిందూ మతం మీదాను.

వాళ్ళ ప్రేమాభిమానాలు చూపించడానికి మన మీద పడతారు. అంతర్జాలము, సామాజిక సాలెగూళ్ళు వచ్చేక ఈ రొద ఎక్కువై పోయింది. వాళ్ళకి తెలుగు భాష మీద అంత అభిమానం ఉంటే వాళ్ళ మనుమలని, మనుమరాళ్ళని దర్జాగా తెలుగు మాధ్యమంలో చదివించుకోవచ్చు. తమ తెలుగు భాషాభిమానంతో వారిని తడిపి, పిండి, ఆరేసెయ్య 
వచ్చు. మధ్యలో ఆంగ్ల భాషను ఆడిపోసుకోవడం ఎందుకు? మనందరికీ ఉపదేశాలు ఇవ్వడం ఎందుకు?

మనందరినీ ఏదో తప్పు చేస్తున్న వారిలా డబాయించడం ఎందుకు? మారిన సాంఘిక పరిస్థితులలో ఎవరికి తోచినట్లు వారు చేసుకుంటారు. ఈ పిలవని పేరంటాలకు రావడం ఎందుకు? మన మీద నోరు పారేసుకోవడం ఎందుకు?

వీళ్ళ వీరాభిమానాలు కాదు కాని మన మనశ్శాంతిని హరించేస్తున్నారు. వీరిలాగే హిందూ మత పరిరక్షకులూను. వారికి అర్థమైన విధంలో హిందూ మతాన్ని మనందరినీ అనుసరించమంటారు. భారతదేశంలో హిందూమతం ప్రాంతం ప్రాంతానికి వేరుగా అనుసరించబడుతోంది అనే వాస్తవాన్ని గమనించే ఇంగితం వారికి లేదు. ఆ ఇంగితం ఉన్నవారిని డబాయిస్తారు. ప్రతి కుటుంబానికి వారి వారి సాంప్రదాయాలు ఉంటాయని వీళ్ళకు ఎలా చెప్పాలి?

సాంస్కృతిక సంస్థలు ఒక లాగ, సన్యాసులు, అమ్మలు, బాబాలు ఒకలాగ, కులనాయకులు ఒకలాగ, హిందూ మతాన్ని చిరిగిన విస్తరిని చేసి చిందర వందర చేస్తూ చిందులు వేస్తున్న నేడు ఎక్కడ హిందూమతం? ఏది హిందూ మతం?

కుటుంబానికి కేంద్రమైన ఇల్లాళ్ళు ఇన్నాళ్లు వాళ్ళ భుజస్కంధాలపై మోసి నిలబెట్టిన హిందూ సంస్కృతి
ఇల్లాలి మరణంతో బలహీన పడిపోయింది. ఆచార వ్యవహారాలు, పండుగల ఆచరణ, సంస్కృతి, మతము, తత్త్వము ఇలా బహుముఖములు కల హిందూ మతము ఒక ధర్మజనితము. అది ధర్మము.

ఈ అవగాహన లేని పైన పేర్కొన్న వారందరూ హిందూ మతాన్ని కబ్జా చేశారు. ఎవరికి తోచినట్లు వారు మతాన్ని ఉద్ధరించాలని, మనందరినీ అలా లాక్కెళ్లాలని బద్ధ కంకణులై ఉన్నారు.

ఇలా భాషా, మత దురభిమానులు, కులనాయకులు హిందూ మతం తీరే మార్చేశారు. ఎక్కడి హిందూ మతం, ఎక్కడి ఉద్ధరణ?

***********
కవులు వర్గములుగా, కులములు వారీగా, వాదప్రతివాద రాద్ధాంతములకు ప్రతినిధులుగా మారి ద్వేష విద్వేషములను వెళ్లగక్కుతున్న నేడు సత్కవులు అనే మాటకు అర్థము లేదు. ఎవరు సత్కవులు అనే మాట మీద ఏకాభిప్రాయము కూడా ఉండదు. సర్వులకూ సత్కవులైన వారు ఇక రారండి. రాలేరండి. అందరి బాగుకోరి రాసేవారు వచ్చినా గుర్తింపబడరండీ.

***********

కవుల అగచాట్లు 

కవితలు వెలయించి అందరకు వెలుగులు
పంచబూను కవీశ్వరులు ఆ కవితల అచ్చువేసుకొని 

అమ్ముకొను హడావుడిలో తమ అసలు
వృత్తి ప్రవృత్తి కవితల వెలయించుట మరిచెదరు

చేతి చమురు భాగోతము చందమున 
అచ్చొత్తించుటకు స్వంత డబ్బు ఖర్చు
పెట్టుకొనుట స్వంత డబ్బా కొట్టుకొనుట
అనరాదు; ధన సంపర్కము కవులకచ్చిరాదు

***********

జర్మన్ మూలం: బ్రెటోల్ట్ బ్రెఖ్త్

తెనుగు సేత: డా. వారణాసి రామబ్రహ్మం

పొగ

ఆ చెట్ల మధ్యలో
కొలను గట్టున ఉన్న
పర్ణకుటీరంలో నుంచి

పొగ వస్తోంది

ఆ పొగ రావడం ఆగిపోతే

ఆ పర్ణకుటీరం
ఆ తరువులు
కొలను
బోసిపోతాయి కదా!
*********
Love is weakness; passion; joy; focused feeling; a way for meditation.
**********

Always ready to improvement and having an open mind to welcome new and revolutionary propositions and agreeing to innovative ideas even contradictory to existing ideas is science.

So is spirituality.

To have a closed mind is religion.