రామ నామము చదువు-రసజ్ఞత; కథలు, గాథలు; మూర్తులు-ప్రవర్తనలు;

Our addiction to social networking sites is a sign that we are not having a professionally fulfilling life.

**********
రామ నామము శ్రావ్యమైనది. రామ నామము లలితమైనది. రామ నామము సుందరమైనది. రామ నామము శుభకరమైనది. రామ నామము మంగళకరమైనది. రామ నామము మధురమైనది. రామ నామము ఆనందదాయకమైనది. రామ నామము రమ్యమైనది. రామ నామము మోక్షప్రదమైనది..

**********

చదువు-రసజ్ఞత

గురువులను పక్కకు పెట్టి
లెర్నింగ్ ఏప్స్ వచ్చెను;
చాక్ పీస్ నల్లబల్లలు పోయి
డిజిటల్ క్లాస్ రూమ్ లొచ్చెను;
చదువు యంత్రముల మయమాయెను
విద్యాభ్యాసము వేరొక దారి పట్టెను;

బుద్ధిని వెలిగించి ఉత్సుకత రగిలించి
అవగాహనను ఆకళింపును కలిగించి లోతైన
విషయ పరామర్శను చేయించుట పక్కకు పోయి
అంతర్జాల సాంఘిక సమూహాల మాదిరి
చదువులు తమ దర్జా ప్రాభవముల
కోల్పోయి ఏదో కాలక్షేపపు బఠానీలైనవి

చదువు మతిని సరిచేయవలెను
జ్ఞానమును కలిగించవలెను; ముక్కున
పట్టి కాగితపు ముక్కకై ప్రాకులాట
చదువు కాదు; సంస్కారం సభ్యత

నేర్పునది చదువు; జీవించుటకు
సిద్ధపరుచునది చదువు; ఎత్తు పల్లముల
ఎక్కి దిగునప్పడు సాయపడునది చదువు
మనిషిగా బ్రతికి మనీషగుటకు చదువు

ఏవో కొన్ని డిగ్రీల జీవికకై సంపాదించుట
చదువు కాదు; చదువున మమేకమై చదువుగ
మారుట చదువు; చదువది ఎంత కలిగినను
రసజ్ఞత ఇంచుక కలిగించలేని చదువు చదువు కాదు

**********

Thoughts are incessant chatter of conscious mind. Peace is quietude of mind in blissful serenity.

********

పెళ్లి ఒక మానసిక బంధం.. సాంస్కృతిక అనుబంధం. నాగరికతా లక్షణం. ఇవి దృష్టిలో లేకపోతె పెళ్లి పెటాకులు కావడం ఖాయం.
**********
A human being is not a "meat computer". A human being is an aesthetic pleasure. An intellectual joy. A blissful, serene, silent being. A lovable and loving Divine Consciousness.
************

చక్కని వాక్యములు 

చిక్కని భావములు 

చిక్కని పదగుంభనములు 

చక్కని అలంకారములు 

వెరసి అందమైన కవిత 

రసికుల పాలిట రుచిభరిత 

ఫలము సంస్కృతీ నాగరికతా 

పక్వ ఆస్వాదనా రసనము
************

మూర్తులు-ప్రవర్తనలు

మన మూర్తుల కన్న మన రచనలు పలుకులు ప్రవర్తనలు
ఆకర్షించును ఇతరుల అంతర్జాలమున ఐనా మరెక్కడైనా;
అందము శరీర దార్ధ్యము యవ్వనమునకు సంబంధించినవి; 
వయసులు పెరిగిన కొద్దీ ఆసక్తి తగ్గును వదలిన శరీరములపై;

ఆశించెదము ప్రేమాభిమానముల ఆప్యాయతల అనురాగముల
అనుబంధముల; అందిన అవి, జీవితము ధన్యము; లేకున్న ఆయాసము
*********

If humans and human race know how to discriminate between what to forget and what to remember, a lot of energy, money and time are saved. The humans and society will live in peace. But many remember disrupting events and cause disturbance now. 

Serenity is selective remembrance. Silence is avoiding peace disturbing thoughts, words and deeds. Bliss is to implement these.

*********

కథలు, గాథలు మానవాళికి అవసరము. కొంత ఊహ, రమ్యత, మనుషులను ఆహ్లాదపరుస్తాయి. అస్తమానూ సత్యము, వాస్తవము అంటూ పొడి పొడి మాటలు ఆర్ద్రతను ఎండగొట్టేస్తాయి. ఆర్ద్రత హృదయానికి సహజ లక్షణము. దానిని నిర్లక్ష్యము చేయడము తెలివైన పని కాదు.

ఊహలు లేక మనిషి లేడు. రమణీయత కల్పనలో ఉంటుంది. పంచతంత్రము, హితోపదేశము, జాతక కథలు, రామాయణము, మహాభారతము, మహాభాగవతము మనుషుల మనసులకు హాయినిస్తాయి. రోజూవారీ సంసార నిర్వహణనుంచి కాస్త శ్రాంతతను తొలగించి, విశ్రాంతిని ఇచ్చి, మరల సంసార బాధ్యతలను ఓపికగా నిర్వర్తించే వెసులుబాటుని కలిగిస్తాయి.

మనోహరమైన కల్పనలు మనస్సుకు సేద. మనసు ఊహల ఉయ్యాల. దానికి మధురోహలు, మంచి ఊహలు, ఉపశమనము