ఏల మరిన్ని అశ్రువులు? Advertisement Design

ఏల మరిన్ని అశ్రువులు?

మనుషులు మృతి చెందడం సహజం
అప్పుడు వారి మంచిని గురించి మాత్రమే
మాట్లాడాలని కొందరి హుకుం; ఇది పనికిరాని
సెంటిమెంటు; చనిపోయాడు కదా అని అవినీతి

పరుణ్ణి పొగడాలా? గూండా, టెర్రరిస్టులు, హంతకులు,
నక్సలైట్లు, ఇతరంగా సమాజాన్ని హింస పెట్టిన
వారు మరణిస్తే సంఘానికి పీడా పోతుంది;
మనిషి తన ప్రవర్తనతో, మాటలతో, చేతలతో

సంఘానికి అపకారం చేసినప్పుడు, అశాంతిని
రావణాసురుడి కాష్ఠంలా రగిలించుతూ చలి
కాచుకుంటున్నప్పుడు వాడు మరణిస్తే సంఘానికి
శాంతి; జాతస్య మరణమ్ ధ్రువమ్; ఈ మాత్రానికి

పై పై మాటలు అనవసరం; దేశానికి గొప్ప ఉపకారం
చేసినాయన మరణిస్తే ఈడ్చి పారేసిన ఈ సంఘం
ఉత్తుత్తి కల్లబొల్లి ఏడ్పులు విసుగు కలిగిస్తాయి;
ఎవరి టైమ్ వచ్చినప్పుడు వారు వెళ్ళిపోతారు;

రోజుకు ఎంతమందో అనామకులు, నామకులు,
బాల్చీ తన్నేస్తూంటారు; ఉత్తుత్తి "కన్నీళ్ళు, ఓదార్పు"
మాటలు మన నాగరికత, సంస్కారాలు కన్న మన
నటనని తెలియజేస్తుంది; ఎవరు ఉన్నా పోయినా

ప్రపంచం ఇంతే; హింసలు, కక్షలు, కార్పణ్యాలు, అవినీతి
కుంభకోణాలు, నక్సలైట్ల, టెర్రరిస్టుల దారుణాలు,
అఘాయిత్యాలు అంతే; ఆగవు; ఎందుకీ ఉత్తుత్తి
కబుర్లు, మనం రాజకీయ నాయకులం కాదు; సామాన్య
పౌరులం; రెక్కాడితే గాని డొక్కాడని బడుగు జీవులం
మనకేల మరిన్ని అశ్రువులు? కారుతున్నవి చాలవా?
***************

Advertisement Design

The advertisement-designing team of crickbuzz has a very poor taste. And the team is economical in aesthetics. It is evident from the advertisement they designed and being shown during Champions Trophy warm-up matches where a young couple attends a music concert; and uses their smart phone to view the cricket match in progress; giving an impression to the musician that they are following his performance and also are appreciating it and they are also taking the pictures of the performing musician. At the end they are shown hurriedly escaping when the musician asks to see the supposedly taken pictures. 

This design is for the advertisement of crickbuzz to highlight cricket passion and craze. But it ended in insulting music and musician.

When they are so obsessed with cricket why the hell they attended the concert?

This lack of grace for music and musician for the designing team is sans aesthetics and in bad taste.

సాహితీవ్యాసాలు - ఒక పరిశీలన; Drone; Curbs on cattle sale

సాహితీవ్యాసాలు - ఒక పరిశీలన

అంతర్జాల సాలెగూళ్ళ మాధ్యమాలలో పాశ్చాత్య రచయితల గురించి, ఆఫ్రికా మొదలైన ఖండాలనుంచి బడుగు ప్రజల గురించి, జపాన్, ఆసియా, దక్షిణ అమెరికా, అమెరికా, వెరసి విదేశీ సాహిత్యం గురించి వ్యాసాలు రాసే బద్ధకంకణులైన రచయితలు నా ఆసక్తిని పెంచుతారు.

ఆ వ్యాసాల ద్వారా పరిచయమైన రచనలు, రచయితలు ఎన్నో, నాకు సాదా సీదాగా అనిపిస్తాయి; రచయితలు ఇంకా సాదా సీదాగా అనిపిస్తారు. వీరెవరూ మనకు తెలియరు.

ఆ వ్యాసాలు చదివాక, వ్యాసరచయిత ప్రతిభా వ్యుత్పన్నతలు, పాండిత్యము, పిపాస, సాహతీ జ్ఞానము, విమర్శనా సామర్ధ్యము; ఆ యా దేశాల రచయితల సాహితీ సృష్టి, సాహితీకారుల సామర్ధ్యాన్ని మించి ఉన్నాయి అనిపిస్తుంది. పొరుగింటి పుల్లకూర రుచి సామెతా గుర్తుకువస్తుంది.

ఈ వ్యాస రచయితలు తమంత తాము చేసే సాహితీసృష్టి; వారి కథలు, కవితలు, నవలలు మొదలైనవి; వారు పరిచయం చేసే విదేశీ సాహిత్యం కన్న మిన్నగా కనబడుతుంది నాకు.

ఈ వ్యాసాల రచయితలు కొన్ని రకాల విదేశీ సాహిత్యంపై, విదేశీ సాహితీకారులపై తమకు గల మోజుని ఇలా వ్యక్తీకరిస్తూంటారు.

ఆ యా సాహిత్యాలు మనలాంటి వాళ్ళం చదవకపోయినా మన సాహితీ పిపాసకు ఏమీ లోటు రాదు. వీరు వ్యాసములలో పరిచయంచేసే రచనలు, రచయితలు, ఈ వ్యాస కర్తలు ఒకే సిద్ధాంతాన్నో, వాదాన్నో, ఇజాన్నో సమానంగా ఆరాధిస్తూండడమూ కనిపిస్తుంది మనకు.

ఏ ఇజాల జోలికి వెళ్ళని, సిద్ధాంత రాద్ధాంతాలలో పాల్గొనని మన లాంటి సగటు పాఠకులకు ఈ వ్యాస రచనలన్నీ ఒక ప్రోపగాండాగా కనిపిస్తాయి.

ఈ రకపు వ్యాసాల ద్వారా పరిచయం చేయబడే రచనలు, రచయితల కన్న ఎంతో మెరుగైన సాహిత్యం ఇన్ని శతాబ్దాలుగా రచింపబడుతున్న భారతీయ సాహిత్యంలో ఎప్పటినుంచో ఉంది. కాని వీటి గురించి రాయడం ఫేషన్ కాదు.

సాహితీ వ్యాసాలు రాయడం కళ. రచనలను, రచయితలను ఎన్నుకోవడం వ్యాసకర్త పరిధికి, ఇష్టానికి, ఆసక్తికి, ఇజమ్ ప్రాధాన్యానికి; సంబంధించినది. పఠనం పాఠకుల చిత్తం.

************

Drones give a different view of the places. The height and the vast reach they have with their speed will present new angles of places they project. Similarly our perspective is formed and presented from where we are.
***********
 

Curbs on cattle sale a violation of human rights: A politician

Animals do not have any rights? How will the animals' rights protectors react?

Majority of them may ignore because many of them eat chicken, meat, beef.

కాలము - కాలగమనము

కాలము - కాలగమనము

కాలము, కాలగమనము రెండూ మనకు పరిచయమే. సమయము అని ఇంకోటి కూడా తెలుసు.
కాని కాలము అనేది లేదు అంటే, అలా అన్నవాడు, పిచ్చివాడు అని తేల్చేస్తాం.

కాని కాలము అనేది లేదండి. కాలము, కలనము, అంటే లెక్కపెట్టడం నుంచి వచ్చింది. కాలములో‌ మనం దేనిని గణిస్తున్నాము? ఒక ఘటన లేక సంఘటన జరిగే సమయాన్ని లెక్కిస్తున్నాము. గడియారాలు, పంచాంగాలు ఇలా ఎన్నో కాలగణన సామగ్రితోటి.

మరి కాలము లేక కాలగణన, కాలగమనము ఏమిటి? ఉన్నవి పదార్థాలు, శక్తి మాత్రమే. పదార్ధము శక్తి సాయంతో స్థితిని మారినా, శక్తి పదార్ధము ద్వారా రూపాంతరము చెందినా కాలము సృజించబడుతుంది.
కాలము అనేది ముందుగా ఏమీ లేదు. మనందరము ఉందనుకుంటున్న కాలము ప్రభావమంటూ మనపై, ఇతర సృష్టిపై లేవు.

జరుగుతున్నదల్లా పదార్ధము లేక శక్తి యొక్క పరిణామము.

కాలః పరిణామః - అని మన పెద్దలు చెప్పారు. కాలః శక్త్యాః పరిణామః అని సిద్ధాంతము. కాలము శక్తి యొక్క (పదార్ధము ద్వారా) పరిణామము. మరియు శక్తి సాయంతో పదార్ధము యొక్క స్థితి పరిణామము.
పదార్ధము లేదా శక్తి యొక్క పరిణామం లేక కాలము, కాలగమనము లేవు. అలాగే శక్తి యొక్క పరిణామం లేక కాలగణన లేదు. కాలః స్పృహ లేవు.

మనకు మెళకువ, కల మానసిక దశలలోనే కాలః స్పృహ ఉంటుంది. గాఢనిద్ర, మెళకువతో కూడిన నిద్ర (జాగ్రత్ సుషుప్తి) దశలలో మనకు కాలస్పృహ కాలగమన స్పృహ లేవు. ఈ చివరి రెండు దశల్లో మనసు విరమింపబడి, పని చేయక దాని మూలంలో పుట్టుక చోటులో లీనమై ఉంటుంది. మనసు పనిచేయక మనకు కాలస్పృహ లేదు. మన కాల, కాలగమన స్పృహలు రెండూ తలపుల రూపమే. భావాత్మకం మాత్రమే.

మనం ఎదగడం, ఇతర ప్రకృతి పరిణామాలు పదార్ధము, శక్తి యొక్క పరిణామం వల్ల జరుగుతున్నాయి గాని మనం గణిస్తున్న కాలగమనం వల్ల కాదు. అలా ప్రవహిస్తోంది అని మనం అనుకునే కాలం, దాని గణన మన కల్పితం. నిజము కాదు. దాని వల్ల, దాని ప్రవాహం వల్ల ఏ ప్రకృతి, విశ్వ, మానసిక పరిణామాలు జరగడం లేదు.

ప్రకృతిలో, విశ్వంలో, మనలో, శక్తి, పదార్ధ పరిణామాలు జరగడం వల్ల కాలము ఏర్పడుతోంది. శక్తి, పదార్థాల యొక్క పరిణామాలు లేక కాలానికి ఉనికి లేదు. అలా మనందరినీ నడిపించే, శాసించే కాలము అంటూ ఏమీ లేదు. కాలః స్పృహ, కాలగమన స్పృహలు మానసిక స్థితి లో జరిగే చిత్ శక్తి (చిదాభాస, మాయ, ప్రణవము, స్పోట దీని అంశలే, అంశాలే, విభూతులే) పరిణామాలే.

కాలము భౌతికము, మానసికము. భౌతిక కాలము మన సృష్టి. మానసిక కాలము మన అనుభూతి. భావము. తలపు. ఆలోచన. పదార్ధ, శక్తి యొక్క పరిణామాలే భౌతిక కాలము. మనసుతో ఈ భౌతిక కాలంతో మనం అహంకార మమకార అహంభావములతో ఏర్పరచుకున్న సంబంధమే మానసిక కాలము.

కాలగమనము నిరపేక్షము, సాపేక్షము అని రెండు విధములు. భౌతిక శాస్త్రం ఈ రెండు కాలగమనముల గురించి చర్చిస్తుంది. వాటి లోతులు, వివరములు భౌతిక శాస్త్రం చదవని వారికి గహనములు.

కాల తత్త్వాన్ని విమర్శించడమూ ఒక ఉపాసనా మార్గమే.

కాలము, కాలాతీతము, వీటి అవగాహన ఒక ఆధ్యాత్మిక జ్ఞాన యజ్ఞం.

కృష్ణ పరమాత్మ కాల స్వరూపుడు, కాలాతీతుడూను.

కాలతత్త్వము భగవత్తత్త్వం వలె ప్రియమైనది, పరమైనది, పరమార్థమైనది. మోక్షానికి వీలు కల్పించేది.

కాలము భగవత్స్వరూపము. గుహ్యము.

ఏతత్ సర్వమ్ శ్రీకృష్ణ పరబ్రహ్మణే సమర్పితమ్!

ఆత్మ - అర్థములు, అపార్థములు; ఊహలు, అపోహలు

ఆత్మ - అర్థములు, అపార్థములు; ఊహలు, అపోహలు

ఆత్మ అనగానే ఎన్నో వ్యాఖ్యలు, వ్యాఖ్యానాలు. మరెన్నో ఊహలు, అపోహలు.

తాము చదివి, మననం చేసికుని అర్థం చేసికున్నవారికన్నా, ఆ నోటా, ఈ నోటా విని, వారివి, వీరివి అభిప్రాయాలు చదివి, శంకరులని, రామానుజులని, రమణులని, కీర్తి కల తత్త్వవేత్తలని, మధ్వాచార్యులను ఉటంకిస్తూ తమ తమ అపార్థాలను విరివిగా ప్రచారం చేసే, తత్త్వానుశాసనము చేసే సామాన్యులు ఎక్కువ అయిపోయారు.

బుద్ధిమంతులైన వారు కొట్లు (ఆశ్రమములు) పెట్టుకుని వ్యాపారాలు చేసుకుంటూ ఉన్నారు ఇహాన్ని సాధిస్తున్నారు.

"ఆత్మ" పదము భ్రష్టు పట్టి పోయింది. ఆత్మను భూతానికి పర్యాయముగ ఎన్నో టి.వి. సీరియళ్లు వాడుకొని మనల్ని భయకంపితులను చేస్తున్నాయి కూడా.

ఆత్మ మరణ సమయంలో ఒక శరీరాన్ని వదిలి మరొక శరీరాన్ని ఆశ్రయిస్తుందని ప్రాచుర్యంలో ఉన్న వ్యాఖ్య.

భగవద్గీతలోని

వాసాంసి జీర్ణాని యథా విహాయ
నవాని గృహ్ణాతి నరో-పరాణి
తథా శరీరాణి విహాయ జీర్ణాని
అన్యాని సంయాతి నవాని దేహీ

ఈ శ్లోకాన్ని దీనికి వత్తాసుగా ఉటంకిస్తూ ఉంటారు.

శరీరం మరణిస్తున్నప్పుడు ఆత్మ మరణిస్తున్న శరీరం వదిలి మరో కొత్త శరీరాన్ని ప్రవేశిస్తుంది, ఆశ్రయిస్తుందని, ఈ ఉటంకింపు సారాంశం.

అలా అన్వయం చేసికొని సాంఖ్య యోగంలో వచ్చే ఈ పై శ్లోకాన్ని పరిమిత జ్ఞానం కల స్వాములు, ప్రవచనకారులు, ఇతర యతీంద్రులు, ఆనందాలు, అమ్మలు, బాబాలు తమ శక్తి కొద్దీ అపార్థం చేసుకుని ఆ అసత్యాన్ని తెలిసీ తెలియక
ప్రచారం చేస్తున్నారు. ఆత్మజ్ఞానం అభాసుపాలు అవుతోంది.

భగవద్గీత ఉపనిషత్తుల తరువాతది. ఉపనిషత్తుల సారాంశాన్ని, సారాన్ని వహించినది. ఆ విషయం దృష్టిలో ఉంచుకుని వ్యాఖ్యలు, వ్యాఖ్యానాలు చేయాలి.

తత్త్వశాస్త్రంలో శరీరము అంటే శరీర స్పృహ. మనిషి తనను తాను సప్తధాతు నిర్మిత పశు, పక్ష్యాది శరీరములతో భావ రూపంలో అన్వయించుకునే మాంస, రక్తం, మజ్జ ఇత్యాది సప్తధాతు నిర్మిత ఆకారము కాదు.
శరీర స్పృహ అంతరించినపుడు, వెలుగుతూ ఉండే వెలుగు ఆత్మ. జ్ఞాతృ-జ్ఞేయ రహిత జ్ఞానము. ప్రజ్ఞానము. శుద్ధ గమనిక. నిర్మల మానసము.

ఆ విధముగా శరీరము సప్తధాతు నిర్మిత ఆకారముగా ఇక్కడ ప్రస్తావించబడ లేదు. శరీర స్పృహ భావ రూపంలో అన్వయించుకోవడమే, ఉండడమే శరీరపు పుట్టుక. భావరూపంలో మొలకెత్తిన శరీర స్పృహ అదృశ్యం అవడమే శరీరం మరణించడం.

ఇక్కడ పరమాత్మ శరీరము అంటే; సప్తధాతు నిర్మిత పశు శరీరాన్ని గురించి మాట్లాడటం లేదు. శరీర స్పృహ, దృష్టి గురించి మాట్లాడుతున్నాడు. ఇక్కడ శరీరము అంటే భావ శరీరం. తలపు. మన జ్ఞానం, మానసిక కార్యక్రమాలు భావమయములు. ఈ భావములు చిత్ శక్తీ మయములు.

అలా భావములలో ఆత్మ చిత్ శక్తి రూపంలో అంతర్లీనంగా ఉంటుంది.

మనకు భావములు, ఆలోచనలు మారుతూ ఉంటాయి. అలా మారినప్పుడు మారేది తన్మాత్ర - తెలుసుకొనబడే
విషయ శక్తీ రూపం. అంతర్లీనంగా ఉండే ఆత్మ అలాగే ఉంటుంది. భావము, తలపు, ఆలోచన మారినప్పుడు మారేది తన్మాత్ర మాత్రమే. ఇలా భావ శరీరము మారినప్పుడు అహంకార రూపం మారుతుంది. ఆత్మశక్తీ నిర్మిత భావ రూప పరిణామాన్నే మరణ, పునర్ జన్మలు అంటారు.

భావములు మారినప్పుడల్లా, లయించి, పునరుత్థానం చెందినప్పుడల్లా - వ్యక్తిత్వ స్పృహ- శరీర స్పృహ - అహంకార, మమకార, అహంభావ - మరణ, జననములు సంభవిస్తాయి. ఇవే వ్యక్తి చావు పుట్టుకలు. వీటి గురించి మాత్రమే పై శ్లోకంలో కృష్ణ పరమాత్మ చెబుతున్నాడు.

సప్తధాతు నిర్మిత శరీర మరణ, పునర్ జన్మల గురించి కాదు.

మనం ఇంగితం, స్ఫూర్తి, స్ఫురణలతో అవగాహన కొచ్చి ఆకళింపయ్యే తత్త్వమే ఆత్మ. జిజ్ఞాస, శ్రవణం, మననం, నిదిధ్యాసనలతో కూడిన ఆధ్యాత్మిక చింతన పరుని చేరుస్తుంది. హరియో, హరుడో, మరే పరతత్త్వమైనా మనల ధ్యాన రతులజేసి, జ్ఞానులజేసి, ఆధ్యాత్మిక పరమ పద సోపానమధిరోహింపజేసి పరమపదాన్ని అందుకుని
అందు వసిస్తూ, నిరామయంగా, నిరాకులంగా గృహస్థ విధ్యుక్త ధర్మముల నిర్వర్తిస్తూ చరమ క్షణములలో పరతత్త్వ మగ్నులమై పరమాత్మ యందు లీనమై ఇక్కడ లేకుండా పోవడమే సనాతన సాంప్రదాయ ధర్మము, ఉపదేశము.

ఆత్మ చిత్ శక్తి మూలము. మన గమనిక ఆత్మయే.

ఆత్మయే మన ఎఱుక. మనకు గమనిక, ఎఱుక కలిగించే దివ్యశక్తీ కాంతియే ఆత్మ.

సమస్త సన్మంగలాని భవంతు!

ఏతత్ సర్వం పరబ్రహ్మార్పణమస్తు!

సాహితీ ప్రచురణలు; సినిమా తారలు; BJP and Telugu States ; ధన మూలమ్ ఇదమ్ జగత్! దయనీయులు, దీనులు

ఏదైనా కవితా సంపుటిని ముద్రించి ప్రకటించడం పాఠకుల కోసమా, కవుల కోసమా?

సాహితీ సృష్టులు ఎక్కువగా వస్తున్న ఈ రోజుల్లో పాఠకులకు అన్నీబాగా చదవడం వీలుకానిది. ఎవరూ సామాన్యుల ప్రచురణలు కొని చదవరు. లబ్ధ ప్రతిష్టుల సృష్టులు మాత్రమే కొంటారు.

నవల అమ్ముడు పోయినట్లు ఇతర సాహితీ సృష్టులు అమ్ముడు పోవు. కవులు, రచయితలు, వ్యాసకర్తలు, కథకులు, చేతి చమురు భాగోతంగా ప్రచురించుకోవడమే రివాజుగా ఉంది.

సాహితీ పఠనం ఒక సంస్కృతి. నాగరికత. రసికులైన పాఠకుల మెప్పు పొందడం సాహితీకారునికి ఒక భాగ్యం.
అలాగే మంచి రచన చదవడమూ పాఠకుని అదృష్టమే.

కవనంతో కట్టిపడేయడం కళ. అంతటి కళాకారులు, రసికులు సాహిత్యాన్ని చిరంజీవిని చేస్తారు.
**************
సినిమా తారలు మనలాంటి మనుషులే. మనమే వారిని దేవుళ్ళు, దేవతలుగా మార్చాము.
*************

BJP and Telugu States

Regional parties of the Telugu states are in an alert mode and are dramatically pressing "panic" button for the current visit of the BJP president in the two Telugu states and his utterances.
One thing is sure. BJP no longer wants to play second fiddle to these family-controlled parties. KCR is still chanting Telangana pride mantra to counter BJP trials. In AP there's no such regional pride to cash on.

So second rung TDP leaders started tirade against BJP with (without) blessings from the adhinayaka ever since PM gave audience to opposition leader for 40 minutes
.
The TDP people's representatives are trying to blackmail their adhinayaka as they felt he has become weak in leadership and governance. The law and order problem aggravated by daily day light murders among party leaders and faction families.

But BJP is not having a strong AP leader to shoulder the responsibility of increasing the chances of BJP in elections. One senior Telugu BJP leader, who is also a Union minister has migrated to other states to go to the upper house and declared long time back that he represents the state which sent him to Rajya Sabha.

This same leader helped BJP to be where it is for the last 3 to 4 decades. Somehow he felt comfortable to be in alliance with the regional party as a tag or tail and never worked for independence.

AP is fully caste ridden state full of caste affiliated voters. They elect based on caste only, not at all caring for development plank. So it is the duty of BJP president​ to identify a dominant caste leader to lead BJP in AP.

In AP for the last 4 decades, same leaders are juggling among various political parties playing their cards wisely and wildly to be always able to be with the ruling party and continue getting pelf and protect their business and political interests. They never cared for citizens' interest and welfare and peculiarity the voters continue electing them again and again based on caste factors.

Adhinayaka's master stroke of admitting many representatives from opposition party seems countering his calculations and is making him a prey to vilany scheming of his wily legislators.
None is either respecting or fearing him. BJP is not able to cash on this opportunity for want of efficient and dedicated cadre and leaders. There is no leader to represent Modi in AP.

So BJP president's Telugu states trip is only a testing waters trip. Alliance with the opposition party appears an alternative but how far the corrupt - image of the leader of the opposition takes it to the hustings and helps it to win considerable number of seats is any body's guess.

The caste affiliations of voters damaged UP. They changed this trend in UP and voted for development. But earlier Bihar preferred caste to clean politics and it is having the government it deserves.

Similarly AP seems to embrace caste prominent cum entertainer leadership despite its earlier ridiculous, useless and funny experience with the brother. Let's see what evolves.
**********

 

ధన మూలమ్ ఇదమ్ జగత్! 

 

ధనముంటేనే గౌరవప్రదమైన జీవితం ఉంటుంది. ధనాన్నీ గౌరవించాలి. ధనం లేకుండా ఎవరూ బ్రతకలేరు. ధనానికి మాత్రమే విలువనిచ్చేవారు గర్హనీయులే! ధనం మాత్రం కాదు.

*********

ఈ రోజుల్లో ఏ మనిషికీ - మగ, ఆడ భేదం లేకుండా - గౌరవం లభించడం లేదు. అందరికీ జీవితం గడ్డుగానే ఉంది.
ఎన్నో ప్రకృతి నియమాలు, పరిణామాలు, ఉపేక్షించి మాకు ఇల్లా జరగాలి, మాకు అల్లా జరగాలి అంటే జరిపించేవారు ఎవరు?

ఈ రోజుల్లో ఎవరూ సంతోషంతో​, సుఖంగా లేరు. అందరి హక్కులు పరిరక్షించబడాలంటే అందరూ బాధ్యత ఎఱిగి ప్రవర్తించాలి. వారూ వీరూ ఈ అసభ్యకర, అసహ్యకరమైన స్థితి కి కారణం కాదు. అందరమూ కారణమే. కొందరు వీధిన పడి అంటున్నారు. కొందరు - ఆడ, మగ - మౌనంగా భరిస్తూ బ్రతుకులు ఈడుస్తున్నారు. రోడ్డుకెక్కని దయనీయులు, దీనులు వీరు.

సమన్వయం - సామరస్యం; ప్రజాస్వామ్యపు గుదిబండ; జ్ఞానము పెట్టే భిక్ష; Energy. Time and Consciousness

సమన్వయం - సామరస్యం

ప్రపంచంలోని అజ్ఞానమంతా మన బుఱ్ఱల్లోనే ఉందంటే అన్నవాడిని ఉతుకుతాం.
మనంత జ్ఞానవంతులు లేరని మన ఊహ, అపోహ, నమ్మకం. మంచిది. నీ జ్ఞానంతో నాలుగు ఉపయోగ కరమైన విషయాలు చెప్పండయ్యా అంటే వారిని, వీరిని నిందించడంతో ప్రారంభిస్తాం. ఇంక మన వాగుడుకి అంతుండదు. 

తెలిసిన వాణ్ణి, తెలియని వాణ్ణి వాళ్ళ మూలాలతో సహా దునుమాడుతాం. తెలిసీ, తెలియని అవాకులు, చెవాకులు పేలతాం. నిజానికి సంఘంలో సమన్వయంతో అందరినీ చూసే పెద్ద మనసు జ్ఞానవంతులము అనుకునే ఎందరో మేధావులకు లేదు.

సమన్వయం తెలియని మేధావులు సంఘంలో పెక్కురు.

తాము ఏదో వాదానికో, ఇజానికో నిలబడతారు. జీవితాంతం ఆ సిద్ధాంత రాద్ధాంత పంజరంలో నివసిస్తారు.
ఇంకేమి గమనించరు. తెలుసుకోరు. తెలుసుకోలేరు.

ఇటువంటి జ్ఞానుల వల్ల సంఘానికి ఏమీ ప్రయోజనం లేదు.

సమన్వయం తెలిసిన వారి వల్లే సంఘంలో సుఖశాంతులు వెల్లి విరుస్తాయి.
***********
 Movie stars and politicians dump their off-spring on society with their clout; their inefficiency is borne by the society moaning under the dumping; This dumping inhibits the rise of genuine and capable individuals from reaching influencing levels and the society is the loser ultimately.
*********

ప్రజాస్వామ్యపు గుదిబండ

మనుషులనే దేవుళ్ళను చేసే మన రాజకీయ నాయకులు;
ఆ పై వారే దేవుళ్ళై మన నెత్తికెక్కి నాట్యం చేసే దుర్దినాలు

ఎవరు మనుషులో ఎవరు దేవుళ్ళో తెలియని దురాశలో
మనం; అందరూ మనకు వరము లిచ్చి ఆదుకుంటారనే
సోమరితనాలు; తమ వివక్షను నిందిస్తూనే ఆ విభజనను
కడుపారా తనివితీరా దురుపయోగం చేసే అతితెలివి;

మేసేటప్పుడు ఎద్దుల్లో, దున్నేటప్పడు దూడల్లో దూరే
మనం, మన ప్రగతికి, దేశాభివృద్ధికి ఏమి తోడ్పడగలం?

మన బలహీనతను, అత్యాశను, సోమరితనాన్ని పెంచే
 వారు; తమ ప్రతినిధిత్వాన్ని, ప్రభుత్వాన్ని లీలగా, హాయిగ
భయరహితంగా అమితమైన అక్రమ సంపాదనకు నిర్లజ్జగా
వాడుకుంటున్న నేడు ప్రజాస్వామ్య మనకు గుదిబండ
*************

జ్ఞానము పెట్టే భిక్ష

మనం భావాత్మకమైన మనసు యొక్క రూపులం. మనసు లేక మనము లేము. మనమున్నప్పుడే మనకు కలతలు, కార్పణ్యాలు, వెతలు, ఉత్సాహాలు, గంతులు, పొంగులు, కుంగులు, అభిమానాలు, ఈర్ష్యలు, కోపాలు, తాపాలు, అన్ని రకాల అశాంతులు, రాగాలు, ఆసక్తులు.

మనసు నిండుకుంటే హృదయమంతా శాంతి సౌఖ్యాలు, ఆనందము, మౌనానుభవము. 

కాని మనసు లేక రోజూ వారీ కార్యక్రమాలు జరగవు. మనసు చూపించే జగత్తే మనము చూసేది. ఈ విషయము
దృష్టిలో ఉంచుకుని విచక్షణతో జీవిస్తే పుణ్యము, పురుషొర్ధము పొందవచ్చు.

మనసు మనకు వరము. దానిని మన అజ్ఞానంతో, అమాయకత్వంతో శాపంగానూ మార్చుకోవచ్చు.
శాంతి, ప్రశాంతత కావాలనుకుంటే మనస్సును జ్ఞానంతో నియమించుకోవచ్చూ.

కాని మన ఉనికి మనసు కలిగించే ఒక స్పృహ మాత్రమే. ఈ స్పృహ అస్తమానూ కలిగి ఉండడం మనకు అవసరం.
మనసు విరమిస్తే మన ఉనికే మనకు తెలియదు. మానసిక దృష్టి కలిగించే ఇంద్రజాలమే మన ఉనికి, వ్యక్తిత్వము, ఊహాపోహలు, సుఖదుఃఖాలు.

ఇంత వినీ, తెలిసీ అనవధానులమై విలపించడం ప్రకృతి నియమము. పరమాత్మ ఈ ప్రకృతికి పరుడు. ఈ నిజం తెలిసి ప్రకృతికి పరమైన సత్ సంగంలో జీవిస్తూ, సంఘ జీవిగా రాణించగలగడం జ్ఞానము మనకు పెట్టే భిక్ష.
************
Energy. Time and Consciousness

Energy is time. Transformation of energy is passage of time. Energy is Consciousness. Transformation of energy is mind and its functions. Non-transformation of energy as Being is time- and mind-transcendent blissful, silent and serene state; the state in which moods, thoughts, feelings, perceptions, utterances and sensing get absorbed and ego gets merged in Pure Consciousness.

కల్పిత బాదరబందీ - స్వయంకృత శాంతి భంగం ; మన పిల్లలకు మనం తప్ప ఎవరు చెప్పగలరు? వార్తా పత్రికలు - న్యూస్ రీడర్స్

కల్పిత బాదరబందీ - స్వయంకృత శాంతి భంగం

తెల్లారి లేస్తే మనం ఎన్నో వార్తలు వింటాం, చదువుతాం, ఎన్నో న్యూస్ ఛానెల్స్, టి.వి. కార్యక్రమాలు చూస్తాం. ఇవన్నీ మన మానసిక సంతులతను హరిస్తాయి. హరిస్తున్నాయి. మోదం కంటే ఖేదం, అశాంతి కలిగించే అంశాలే ఎక్కువ.

 

ఏది చదవాలి, ఏది చదవకూడదు, ఏది వినాలి, ఏది వినకూడదు, ఏది చూడాలి, ఏది చూడకూడదు, ఏది తెలుసుకోవాలి, ఏది తెలుసుకోనవసరము లేదు, వేటిని పట్టించుకోవాలి, వేటిని వదిలెయ్యాలి పై ఆలోచన, అవగాహన, ఆకళింపు, లేకపోతే, మన వ్యక్తిగత జీవితంలోని ఇబ్బందులతో పాటుగా ఈ నాగరిక జీవన శైలి మనకు కలతలు కలిగిస్తాయి. కొలతలు లేని అశాంతిని అనుభవిస్తాము.

అన్నీ, అంతా మన చేతుల్లోనే ఉంది. ఎవరూ మన్ని బలవంతంగా ఈ విషయాల్లోకి, వార్తాంశాలలోకి, కార్యక్రమాలలోకి లాగడం లేదు. నిర్ణయం మనదే. మనం అన్నీ బాగా తెలిసిన వాళ్ళం కాకపోయినా ఫర్వాలేదు. "నాగరీక లోకంలో" వెనకబడ్డా పర్వాలేదు. ఈ వార్తల, సంగతుల, సంఘటనల ఎఱగకపోయినా నష్టం లేదు. పైగా మనశ్శాంతి కోల్పోనక్కర లేని గొప్ప లాభం.

వార్తా మాధ్యమాలు, అంతర్జాల మాధ్యమాలు, సాలెగూళ్ళు మన మనశ్శాంతిని హరిస్తూంటే వాటి జోలికి పోక పోవడమే విజ్ఞత. వివేకం, ఇంగితం. వీటిని చూడమని, పాల్గొనమని మన్ని ఎవరూ ఆహ్వానించటం లేదు. మనమే స్వయంకృతంగా ఈ ధోరణులతో పాలు పంచుకుంటున్నాము. ఇదంతా మనం కల్పించుకున్న హడావుడి మాత్రమే.

మనని మనం నియమించుకొని, సంయమనం అలవరచుకొని ఉండగలిగితే, స్వ ఇచ్ఛలో, యథేచ్ఛగా ఏ బాదరబందీ పెట్టుకోకుండా జీవించవచ్చు.

అంతా మన ఆలోకన, అవగాహన, ఆకళింపు.

***********

మన పిల్లలకు మనం తప్ప ఎవరు చెప్పగలరు? 

మద్యం సేవించి వాహనాలు నడిపేవారిపై అందరికీ సానుభూతే!
ఏ విధమైన జాగ్రత్తలూ తీసిపోకుండా అర్థరాత్రి కామాగ్నికి
ఆహుతైన అమ్మాయి వెనుక దేశమే ఉంటుంది

ఎందుకని ఎవరూ వీరిని మద్యం సేవించి వాహనం నడిప వద్దని
అర్థరాత్రి ఒంటరిగా వెళ్ళొద్దని స్త్రీలకు ఎవరూ చెప్పరేమి?

చెప్పిన వారిపై ఇంతెత్తున లేవకుండా తమ జాగ్రత్తలు తాము తీసుకుంటే
ఎందరి ప్రాణాలు, మరెందరి మానాలు రక్షింపబడతాయి?

ఏమిటో "నాగరికత" పెరిగే కొద్ది బుద్ధి కుంచించుకు పోతోంది;

ఇంగితం అటకెక్కుతోంది; ఇతరులను తప్పు

పట్టడాలు రివాజైంది; మేధావులైనా ఎవరైనా ఉచితం
చెప్పాలి; హక్కులు బాధ్యతలూ మనిషికి ఉంటాయని;

మన జాగ్రత్తలో మనం లేకపోతే ప్రభుత్వాలు, పోలీసులు
మనకు రక్షణ కలిగించలేరు; ఎప్పటికి ఈ వాస్తవం బుర్రకు

ఎక్కుతుంది? హక్కులతో పాటుగా బాధ్యతలూ గమనించాలని

మన పిల్లలకు మనం తప్ప ఎవరు చెప్పగలరు? 
**********

వార్తా పత్రికలు - న్యూస్ రీడర్స్

మనమొక వార్తాపత్రిక; అన్ని రకాల వార్తలను
పక్కపక్కనే వహిస్తాము స్పందన లేక;

ప్రమాదాలు, చావులు, ప్రమోదాలు, విషాదాలు,
సంబరాలు, శోభనాలు, హత్యలు, మోసాలు,
రాజకీయాలు; అన్నింటినీ సమముగా తీసికునే
మనము మనమున్నను బండబారిన బండరాయిలము

లేకున్న ఈ విధి వైపరీత్య వైవిధ్య వార్తలను, సముద్రుడు
నదీ జలాలను కలిపేసుకున్నట్టు; తల్లులు పిల్లల
భరించినట్లు ఎలా దిగమింగుకోగలము; లీనము చేసికొని
ఏమీ జరగటం లేదనట్టు బతుకులనిలా ఈడ్చేసుకుంటూ

పోగలము? మనందరము వార్తా చానల్స్ లో పనిచేసే
న్యూస్ రీడర్స్ ము; చదివే వార్త ఎటువంటిదైనా నిగ్రహం
కోల్పోక సంయమనంతో చదివేస్తాము; లేకున్న పత్రిక

వలె జడముగా; వార్తల చదువువారివలె మునీశ్వరులుగ
ఎటుల ఉండగలము? వార్తలు మన మనసుల అలజడి
కలిగించు సంఘటనావళులు; మనకే సంబంధము లేని
మనుషుల, ప్రదేశముల, దేశముల కాలమాన పరిస్థితుల
తెల్లారగానే మెళకువ రాగానే చద్దన్నంలా మింగేయగలమా

కవిత్వ శిక్షణ; rowdy representatives; " ప్రతి" నిధులు ; అసభ్య రాతల అంతర్జాల సాలెగూళ్ళు

కవిత్వం శిక్షణ తో వస్తుందా? అసలు కవిత్వం రా‌సి వినిపించడం పెద్ద శిక్ష అని కవిత్వం చదవలేనివారు, ఆస్వాదించాలని లేని వారు అంటూంటారు.

కోయిలకి పాట, కోతికి గంతులు, దూకుళ్ళు, సెలయేటికి ఎత్తుల పల్లముల దూకుతూ ప్రవహించడం, చంద్రునికి వెన్నెలలు చిందించడం, చేప పిల్లకు ఈదడం లలో శిక్షణ ఇవ్వడం ఎంత వరకు అవసరం?

**********

Some representatives to assembly, councils, other village, mandal, town, city bodies and parliament in India are drunk with "power" and are frequently behaving as rowdies and anti-social elements. Indian democracy is yet to formulate and pass a law against this abuse of power by so called people's representatives against citizens and government employees.

***********

" ప్రతి" నిధులు

"భోజనములు", అడ్డమైన తిళ్ళు తిని
గోరోజనములను కొవ్వును పెంచుకొని
నీతిబాహ్యముగ పొగరుమోతులై అందరు
పౌరులను హింస పెడుతున్న వీరు ప్రజా ప్రతినిధులా?

మునుపటి జమీందారులను సీమదొరలను
మించిన అధికార మద మత్తతతో తాము,
తమ సంతానము అధికారాంధతతో పోలీసులనూ
అవమానించిన ఈ ప్రతినిధులు దేనికి ప్రతినిధులు?

**********

 అసభ్య రాతల అంతర్జాల సాలెగూళ్ళు

రాను రాను అంతర్జాల సాలెగూళ్ళు నాగరికత, సంస్కారం లేని రాతలకు నెలవులవుతున్నాయి. నాగరీకము కాని అసభ్య రాతలు, సభ్యత లేని కుసంస్కార పోస్ట్లు ఎక్కువై పోతున్నాయి. జనాలు తమ పరుషమైన, నిందాత్మక మాటలతో కూడిన అనాగరిక భాషతో రెచ్చిపోతున్నారు.

అవును అంతర్జాల సాలెగూళ్ళు అందరి సొత్తూను.