తాగుబోతులు, తిరుగుబోతులు; Celebrity adorationచ సంస్కరణ వాదులు; చదువు

తాగుబోతులు, తిరుగుబోతులు

తాగుబోతులకు, తిరుగుబోతులకు, గంజాయి సేవకులకు, అవినీతిపరులకు, వారి వారసులకు లభించే దానిలో రవంతైనా‌ సానుభూతి‌ పొరబాటు వల్లో గ్రహపాటు‌ వల్లో తప్పు చేసిన మంచి వానికి సమాజం చూపించదు.
మంచి వాడిని పదే పదే విమర్శించి మానసికంగా‌ చంపుతుంది.తప్పు చేసే వాడి ఎన్ని తప్పులనైనా కాచే సమాజం మంచివాని ఒక తప్పును కూడా క్షమించదు.

సంఘం మనుషులు పదే పదే తప్పులు చేసే వ్యసనపరులకు, దుష్టులు, దుర్మార్గులకు ఇచ్చే వెసులుబాటు మంచి వారికి అస్సలు ఈయదు. అంత క్రూరత్వం చూపిస్తుంది‌ మంచి వారిపై సంఘం.

మంచివాడంటే ఒక్క తప్పూ చేయకూడదు. చెడ్డ వాడు, వ్యసనపరుడు ఎన్ని అఘాయిత్యాలైనా, ఎన్ని సార్లైనా చేయవచ్చు. సంఘం పెద్ద మనసు చేసికొని భరిస్తుంది. క్షమిస్తుంది. అంతా వింత, వేలం వెఱ్ఱి.
 *********
Celebrity adoration

The adoration we show to cine artistes, the heroes and heroines, the cricketers, and such other entertainers is a mere attraction. This liking must end after some time; because, we must become heroes and heroines of our lives. We must become a celebrity so that others emulate us.

Entertainment always scores over enlightenment. When we actually feel for enlightenment, we end up becoming disciple of this guru or that swami, this swami or that ananda losing all our in-built intuition and commonsense.

If we take a bit more care, we ourselves can help us and also help our near and dear in matters of secular responsibilities, worldly attractions and how we have to save ourselves from them, spirituality, and many other happenings through the course of our life.

We must remain hero/heroine of our life. There is no need to ape or misguided by the glamorous life of the entertainers.

We need to go through the thoughts of many an intellectual, seer, scientist, philosopher and the like to build ourselves and our personality and individuality.

Let us know the inherent potential in us regarding all matters of life.

Let us be the masters, teachers and friends to our near and dear, so that they need not go here or there for peace of mind or counseling in spirituality.

We are Divine by nature.

*************

సంస్కరణ వాదులు

ఎవరిని వారు సంస్కరించుకుంటూంటే ఇతరులను సంస్కరించాలనే కండూతికి దూరమౌతారు. సంఘమూ బాగుపడుతుంది. శాంతి, సౌఖ్యములతో అందరూ జీవించవచ్చు. జీవించనీయవచ్చు కూడాను. తాము మారక మిగతా వాళ్ళని మార్చెయ్యాలనే తాపత్రయం అనారోగ్య ధోరణి. ఒక విధమైన మానసిక ఋగ్మత.
************

 చదువు

పంచతంత్రము, రామాయణము, మహాభారతము, మహా భాగవతము, జాతక కథలు, హితోపదేశము, గాథాసప్తశతి చదవకుండా విద్యాభ్యాసము పూర్తి చేస్తున్న విద్యార్ధినీ, విద్యార్థులకు జీవితముపై అవగాహన కాని, జీవితములో వచ్చే వడి దుడుకులను తట్టుకుని, ఎదుర్కొని సంయమనముతో జీవించే నేర్పు గాని అలవడవు.

జీవితాన్ని చదవడానికి, జీవితాన్ని ఆస్వాదించడానికి, జీవితాన్ని ఒక సవాలుగా స్వీకరించి జాగరూకతతో జీవించడానికి సాయపడని చదువు వ్యర్థము. ఎంతో డబ్బు పోసి, ఉద్యోగార్ధము మాత్రమే చదివే "చదువు" చదవకపోయినా ఒక జీవికని ఏర్పరచుకొని జీవించవచ్చు.

అంత డబ్బు ఖర్చుపెట్టి చదివిన చదువు ఉద్యోగాన్ని తేలేక పోవడం, ఒక మనిషిగా తయారుచేయలేకపోవడం విచారించవలసిన విషయం. గాలిలో దీపం పెట్టి దేవుడు మీద భారం వేసే ఈ ధోరణి‌ యువతీయువకులకు ప్రయోజనకరం కాదు.

మనకు మనమే ఆలోచించుకొని ప్రత్యామ్నాయాలు వెతుక్కోవాలి. అలా చేయకపోతే విధిని నిందించుకుంటూ జీవికకు సరిపోని అరకొర సంపాదనలతో బ్రతుకు ఈడ్వాల్సి వస్తుంది.

ప్రాథమికమైన పై సాహిత్యము చదవక, తెలియక, అవగాహన చేసికొనక జీవించబూనడం సైక్రియాటిస్టులను పెంచి, పోషిస్తుంది. దారిద్ర్యాన్నీ అంటగడుతుంది.

మనిషికి ఇంగితం పెంచే చదువూ అవసరం. పైన ఉటంకించిన సాహిత్యంలో ఇంగితం పెరగడానికి కావలసిన సామగ్రి ఉంది. ఆ సామగ్రిని ఉపయోగించుకోవడం మనకు మేలు చేస్తుంది.