Mind; ప్రకృతి ఆవేశం; ఫేస్బుక్

Mind is consciousness tuned to and in contact with worldly objects, affairs and issues. Consciousness is, mind tuned to and in absorption in its source.
*******

ప్రపంచాన్ని అర్థం చేసికొని జీవించే వాళ్ళ కన్న అపార్థం చేసుకుని గొడవ, గోల చేస్తూ అశాంతి రేకెత్తించే వారు సంఘంలో చాలా చాలా ఎక్కువగా తయారయ్యారు.

*********

We try to take help from all but ourselves. Life is more bearable if we choose proper people as dear ones, if near ones are not, some solace will be there. Others will always are partial in helping. Better is self-reliance. Life is a series of experiences, pleasant and unpleasant. We may not get help when required from others physically and psychologically.

Life is mind management.

*********

ప్రపంచంలో ఏదీ మనం అనుకున్నట్లు, మనకు కావలసినట్టు జరగదు. మనం సర్దుకు బ్రతకాల్సిందే.

******

అనుభవము మానసిక స్థితి. తలపు మానసిక గతి.

*********

కవిత్వముచే ఆకర్షింప బడుటకు వ్యక్తికి సరస హృదయం ఉండాలి. ఆస్వాదన తెలియాలి. స్పందన కల మనసుండాలి. సారస్వత పరిచయం, ఆసక్తి ఉండాలి. భాషపై పట్టు ఉండాలి. వస్తువుని బట్టి మెచ్చుకోగల కుశలత ఉండాలి. ఇవి కొందరిలోనే ఉంటాయి. అందుకనే చాలా తక్కువ మంది కవిత్వం వైపు ఆకర్షింప బడతారు.

**********

ఉపాసకులు, స్వాములు, సన్యాసులు, మత గురువులు, ఆశ్రమ నిర్వాహకులు మనల్ని ఉద్ధరించడం కన్న తమని తాము మనం ఇచ్చిన డబ్బు, ఇతరములతో ఉద్ధరించుకుంటారు. చివరికి జోగీ, జోగీ రాసుకుంటే బూడిద రాలిందన్నట్టు మిగులుతాం మనం, ఉద్ధరింపు మర్చిపోయి.

***********

అంతర్జాల మాధ్యమాల్లో మగవారి దౌర్జన్యాలను, దౌష్ట్యాన్ని, క్రూరత్వాన్ని చీల్చి చెండాడే అతివల ఇంట్లోని మగవారెవరూ ఈ దుర్లక్షణాలు లేని వారై ఉంటారు. ఎంతో వినమ్రులు, మంచి వారై ఉంటారు. అటువంటప్పుడు ఆ స్త్రీలు జీవితాన్ని హాయిగా గడపక ఎందుకు మిగతా మగవాళ్ళని పట్టించుకుంటారు?

లోకంలో చీకటి, వెలుగులు; రాత్రింబవళ్ళు; మంచి చెడ్డలు ఉంటూనే ఉంటాయి.

***********

30 ఏళ్ళ క్రితం మనం పండుగలు చేసుకోవడం టి.వి. లోకి మారింది.

ఇప్పుడు పండుగలు చేసికోవడం ఫేస్బుక్ లోకి మారింది.

*******

ఈ ప్రపంచంలో గురువులకు, ఉపదేశాలకు, ప్రవచనాలకు లోటు లేదు. చెప్పినట్టు చేసేవారే లేరు. తాము చెప్పింది చేసే గురువులూ లేరు.

*********

ప్రకృతి ఆవేశం

కాయగూరలను, ఫల పుష్పములను
చూచిన తోడనే మనసు పరవశమందును

ప్రకృతి అందములు, రంజనములు పలు విధములు;
రమణియొ, ఏరో, సెలయేరో, జలపాతమొ, నదియొ,
సాగరమొ, అన్నియు తమ తమ సొగసులతో కనువిందు సేయును; ప్రకృతి ఒడిలో జీవించుట

జీవిత పరమార్థము; కాని ప్రకృతి విధ్వంసాన్ని ప్రకృతి
ఓపలేదు; ప్రకృతి ఆవేశానికి అడ్డు, ఆపులు లేవు

ప్రకృతి అలరించును; హద్దు మీరిన, పొంగి, విచక్షణ కోల్పోయి, ఆలోచన లేక ఆవేశంతో ప్రళయం సృష్టించును

********

హిందూ మతాన్ని రక్షించేందుకు కొందరు, భక్షించేందుకు కొందరు నడుం కట్టారు; ఎవరు గెలుస్తారు? తెలియదు; రక్షించే వారిలో చేరలేదని
మనల్ని విమర్శించేవారు ఎందరో? అసలు హిందూ

మతం అంటే ఏమిటి? అందులో ఎన్ని తెగలున్నాయో
ఈ రక్షకులకు తెలియదు; భక్షకులకూ ఆత్రం, డబ్బాశ
చూపించడం తప్ప మత సూత్రాలే తెలియవు; మతాలు మనుగడ కోల్పోతున్న నేడు ఏ మతం

మన్నుతుంది? మతానుయాయులను ఉద్ధరిస్తుంది?
అశాంతి సృష్టించడం తప్ప భక్షకులకు మరేమీ తెలియదు

********

Judging is not necessary many times.

But we are innately driven by tendencies to judge and comment rather than merely observe.

*******

Consciousness of experiences, thoughts, feelings, utterances of individual and acting, reacting and interacting to them is jeevatma - జీవాత్మ - जीवात्मा।

Consciousness of peace, bliss, silence, unoccupied awareness is paramatma - పరమాత్మ - परमात्मा.

The commonness between them is the consciousness.

Pure consciousness is source of mind and thus perceived world - విశ్వం, జగత్ - विश्वं, जगत्, and activities associated with and through them, both as instrumental - నిమిత్త - cause and substantance - ఉపాదాన - cause.

If peace is in awareness it is state of non-duality.

If ego, mental activities are in awareness it is a duality.

*******

మనకి ఇష్టం లేనివి, కష్టం కలిగించే పోస్ట్ లు ఎక్కువగా కనిపించే ఫేస్బుక్ లో గంటల తరబడి ఎందుకు కూచుంటున్నాం? మనకే తెలియదు. కాలక్షేపం. ఇంకా?

బహుశా గంజాయి వనంలో తులసి మొక్క లాగ ఉపయోగ పడే, ఇన్స్పిరేషన్ ఇచ్చే రెండు మూడు మాటల కోసం ఇదంతా భరిస్తున్నామేమో; ఈ అలజడి అంతా. మన సృష్టీ సరస హృదయులను
చేరుతుందేమోనని ఆశ కూడా ఇందుకు కారణం కావచ్చు. అందుకే అభ్యంతర, భీభత్స కరమైన, జుగుప్స కలిగించే పోస్ట్ లను ఈ ఆశతో భరిస్తున్నామేమో!

*********

ఎవరూ ఎవరికీ చేసింది ఏమీ లేదు,
కాని ఓట్లేయండి అంటూ మళ్ళీ తయారు;

ప్రజాస్వామ్యమున రాజకీయ నాయకుల
మోసానికీ దోపిడీకి లేదు అడ్డుకట్ట;
ఎవరినో ఒకరిని ఎన్నుకొని తీరాలి
ఇదేమి ప్రజాస్వామ్యమో, ఎదురు తిరగాలి

ప్రేమ లేదు దేశంపై, శక్తి యుక్తులు ముందే సున్న;
వంశ పారంపర్యంగా ఎన్నుకోండని ప్రచారం, ఏం
నిపుణతలున్నాయని వీరిని ఎన్నుకోవాలని ఎందరివో
ప్రశ్నలు; సమాధానం లేదు; ఎన్నుకోండి అంతే!

********

ప్రతివారిని రచయితలను చేసిన ఫేస్బుక్
రచనా లోకంలో విప్లవం తీసుకువచ్చిన ఝరి;
అంతర్జాల సాలెగూటి మాధ్యమాల్లో మిన్న

భాషోపయోగముపై దృష్టి నిలపక 
తోచినది రాసి పోస్టు చేసేసి నిలిచి;
లైకులకై, కామెంట్లకై ఎదురుచూపు

మనం రాసినదే రెండోసారి చదవని మనం ఎవరి పోస్టులు చదువుతాం? ఎవరిని అభినందిస్తాం?
ఆ రచనలూ పెళ్ళికాని యువతలా అలమటిస్తాయి

ఇందులోనే పోటీలు, పోట్లాటలు, కాట్లాటలు
కాంట్రాక్టుల అభినందనలు, అభిశంసనలు

అంతర్జాల మాధ్యమాల్లో మకటాయమానమైనది
ఫేస్బుక్; అందరి కాలక్షేపం బఠానీలు ఫేస్బుక్

నన్ను తీర్చిదిద్దిన నా గురువులు ; Silence; మనసు వాగుడు; తత్త్వ గురువులు

నన్ను తీర్చిదిద్దిన నా గురువులు 

తల్లి మనకు మొదటి గురువు. తండ్రి మన మాలి గురువు. అప్పుడు మనకు ప్రాథమిక ఉన్నత పాఠశాలలోను, కళాశాలలలోను, విశ్వవిద్యాలయములలోను గురువులు మనకు పాఠములు చెప్పి మనకు గురువులు అవుతారు. ఇందులో కొందరు మనపై గాఢ ముద్ర వేసి మన జీవితాన్ని సుసంపన్నం చేస్తారు. నన్ను జ్ఞానవంతుణ్ణి చేసి నన్ను మలచిన అటువంటి ఇద్దరు గురువుల గురించి ఇప్పుడు పరిచయము చేస్తాను.

శ్రీ చామర్తి నాగేశ్వరరావు గారు పాఠశాలలో ఫస్ట్ క్లాసులో నా మొదటి గురువు. నేను ఆయన ద్వారానే అక్షరములు, అంకెలు నేర్చుకున్నాను. ఆయనంటే నాకు ఎంత ఇష్టం ఏర్పడిందంటే ఆయన్ని వదిలి రెండవ క్లాసుకి ప్రమోషన్ వచ్చినా వెళ్లానని గోవ పెట్టాను. హెడ్ మాష్టారు రెండంటించి రెండవ క్లాస్ లో కూర్చోపెట్టారు అది వేరే విషయం.

ఉన్నత పాఠశాలలో నా గురువులు ఆకెళ్ళ కామశాస్త్రి గారు (తెలుగు),డ్. సూర్యనారాయణ గారు (గణితం), మా నాన్నగారు శ్రీ వారణాసి వెంకట నరసింహ మూర్తి గారు. మా నాన్నగారు నాకు తండ్రిగా ఈ శరీరాన్ని ఇవ్వడమే కాక గురువుగా నా ఆంగ్ల భాషా పాండిత్యాన్ని, జీవితముపై అవగాహనను కలిగించారు. నాకు పథ నిర్దేశకులు కాక పోయినా నన్ను ఆంగ్ల భాషలోనూ, ఇంగితజ్ఞానంములోను సుసంపన్నము చేశారు. నాకు ఇంట్లోనే ఆంగ్ల భాష మా నాన్నగారి ద్వారా నేర్పబడింది. ఆంగ్లభాష వ్యాకరణము నాకు కరతలామలకం కావడానికి మా నాన్నగారి పాత్ర ఏంటో ఉంది. మా నాన్న గారు నేను ఉన్నత పాఠశాలలోనికి వచ్చేసరికి, ఉన్నత పాఠశాల ప్రధానోపాధ్యాయులుగా ఉన్నారు.

ఆంగ్ల భాషలో బలహీనులైన విద్యార్థులకు మా ఇంటి దగ్గర ప్రత్యేకముగా పాఠాలు చెప్పేవారు. నేను ఆరవ క్లాసు నుంచీ అటు వఛ్చి, ఇటు వఛ్చి ఆంగ్లభాష వ్యాకరణము వింటూ ఉండేవాణ్ణి. అలా నేను 11వ క్లాసుకి S.S.L.C కి వచ్చ్చేసరికి ఆంగ్ల వ్యాకరణము కంఠతా వచ్చేసింది. S.S.L.C లోనూ మా నాన్న గారే మాకు ఇంగ్లీష్ మాస్టారు. అందువల్ల నాకు ఈ వ్యాకరణ జ్ఞానము ముందు ముందు ఎంతో ఉపయోగించింది. నన్ను ఆంగ్ల భాషలో ఒక రచయితగా, కవిగా చేయడంలో ఆ వ్యాకరణ జ్ఞానము ఎంతో దోహదం చేసింది. నేను తరవాత నేర్చుకున్న జర్మన్, ఫ్రెంచ్, సంస్కృతం భాషలలో వ్యాకరణము ఎలా పట్టుకోవాలో నేర్పింది. అలాగే నేనుతరవాత చదివిన ఫిజిక్స్ లో విషయగ్రహణకు, అర్థం చేసు కోవడానికి ఈ ఆంగ్ల భాషా ప్రావీణ్యత ఎంతో ఉపయోగపడింది.

తరువాత నన్ను అంతగా ప్రభావితం చేసినది శ్రీ శివశర్మ గారు. ఆయన మాకు ఎం. ఎస్సీ. లో గురువులు. ఆయన ఫిజిక్స్ పాఠం చెప్పే విధము నాకు ఆ శాస్త్రములో ఆసక్తి, అవగాహన కలిగించాయి. నన్ను నన్నుగా చేశాయి. తరువాత నేను రిసెర్చ్ చేసేటప్పుడు ఈ అవగాహన ఎంతో ఉపయోగపడింది.

నాకు జర్మన్ నేర్పిన హేరీ అండ్ బ్రిగీటా స్పిరిట్బార్జ్ లు నన్ను ఏంతో ప్రభావితం చేశారు. ఫ్రెంచ్ నేర్పిన బుల్లోజు బసవలింగం గారు ఎంతో ఆదరంతో ఫ్రెంచ్ నేర్పారు. అయన మంచి వ్యక్తి కూడా. మేమిద్దరం యానాం లో కొల్లీగ్స్.

నా రీసెర్చ్ గైడ్ డా. ఏ. ఎస్. కొలాస్కర్ నన్ను మలిచిన గురువులు. ఆయన నిర్దేశనలో పరిశోధన ఎలా చేయాలో, పరిశోధనా పత్రములు ఎలా తయారు చేయాలో, కాన్ఫరెన్సులలో ఎలా పరిశోధనను వివరించాలో నేర్చుకున్నాను.

ఈ అందరు గురువులు నన్ను తీర్చి దిద్దారు. వీరందరికి నేను ఎల్లప్పుడూ కృతజ్ఞతతో ఉంటాను.

********

సినీ తారలు తప్ప రాజకీయ పార్టీలకు ఓట్లు తెచ్చే నాథుడే లేనట్టున్నాడు. అలాగే హిందూ మతాన్ని, బ్రాహ్మణులను తిట్టడం ఒక మార్గము. అసలు రాజకీయ పార్టీలకు సిద్ధాంతాలే లేవు. పన్నులు కట్టే వారి సొమ్ము పేదలకు ఈ పేరుతో, ఆ పేరుతో పంచి పెట్టడం మరొక విద్య.

ఈ నాయకులా భారతదేశ ప్రజల జీవితాలు బాగు పరచేది? వాళ్ళ జీవితాలు వంశ పారంపర్యంగా బాగు చేసుకుంటున్నారు అంతే.

********

Silence is related to the words. Silence is related to the mind. Silence is related to the Consciousness. Silence is related to the Self. Silence is the Self. The melody of the Silence is heard in quietude.

********

Bliss Peace Serenity Silence are original states of mind.

Moods, experiences, feelings, thoughts, utterances, knowing, perceiving and generation of moods, understanding; are super-impositions on these normal phases of mind.

*********

మనం పెళ్లి చేసుకోవాలి. మంచి భార్య/భర్త లభించారా సుఖశాంతులతో బ్రతకచ్చు లేదా సోక్రటీస్/ఫెమినిస్ట్ గా మారచ్చు.

We must get married. If we get affectionate and friendly spouse we can lead a happy and peaceful life. Else we can become Socrates/Feminist.

*******:

ఎడ్డెం అంటే తెడ్డెం అనే మేధావులు పుష్కలంగా ఉన్న భారతదేశంలో ఏది సరియైన మార్గనిర్దేశనము?
అంతా కొట్లాటలు, గందరగోళం, గోల తప్ప దేశానికి, సంఘానికి పనికివచ్చే మాటలు, చేతలు హుళక్కి అయ్యాయి.

**********

ఏం చూసి పెళ్ళిళ్ళు చేస్తాము?
కొన్ని సక్సెస్ అవుతాయి. ఎక్కువగా ఫెయిల్ అవుతాయి.

***********

చేతులు కాలాక ఆకులు పట్టుకోవడం వల్ల ప్రయోజనం లేదు. కాని మనసుకు ఈ విషయం తెలియదు. అలా గత జల సేతు బంధనం అంటూ వ్యథ చెందుతూనే ఉంటుంది.

**********

నూటికి తొంభై ఎనిమిది పెళ్ళిళ్ళు తొందరలోనే అయిష్టంగా మారతాయి. దానికి ఎన్నో కారణాలు. కాని ఇంత వరకు వివాహబంధానికి స్త్రీ పురుషులు ఇచ్చిన గౌరవం వల్ల, సర్దుకుపోవడం వల్ల చాలా పెళ్ళిళ్ళు నిలిచిఉన్నాయి. ఇక మీదట సంఘానికి ఈ లగ్జరీ ఉండదు.

**********

పెళ్ళి ఎవరికీ సుఖాన్నివ్వదు. కాని కుటుంబ వ్యవస్థ నిరంతరంగా సాగడానికి పెళ్లి చేసుకోవాలి.

********:

మనసు వాగుడు

మనవంటి చిట్టి చిట్టి కవుల
చిరు చిరు రచయితల సృష్టిని
సమాదరించి, చదివి, జీర్ణము
చేసికొని సమాజంలో ఎవరూ
మారరు; ఏదీ మన రాత ప్రకారం
జరగదు; కొందరు పై వాని రాత
ప్రకారం జరుగుతుందంటారు
అయినా మనం ఎందుకు రాస్తాం?

మన మనస్తత్వం మనల్ని ఊరుకోనివ్వదు
మన కలం ప్రతి ఘటనకు, మాటకు స్పందిస్తుంది
మనదైన తీర్పు, మనదైన పరిష్కారం చూపుతుంది
కానీ పట్టించుకునే వారే ఉండరు; వ్యాస వాల్మీకులనే

ఎవరూ పట్టించుకోవడం లేదు, మనమెంత? అయినా
మనసు ఊరుకోదు; కళవళ పడి ఆరిందాలా వాగుతుంది,

మన ఇష్టాయిష్టములపై
ఆధారపడి ప్రపంచం నడవదు!
మనసుకు ఈ విషయం తెలియదు
మన్ని చంపుతుంది మూర్ఖురాలై

********

మనందరికీ జ్ఞానం, పరిజ్ఞానం చాలా ఎక్కువగా ఉంది.

కరుణ, అనుకంపన మాత్రం ఇసుమంతైనా ఉండటం లేదు.

అందువల్ల మన సాంకేతిక అభివృద్ధి అంతా మనకు సౌకర్యాలు కలిగిస్తుంది కాని, స్థిమితాన్ని ఈయలేదు.

అందుకనే మనకు అన్ని"సరదాలు" తీరుతున్నాయి, కాని సుఖశాంతులు కరువౌతున్నాయి.

కరుణ చూపించక మానవులు మనలేరు.

*********

మగవారు చెడ్డవారు; స్త్రీల పాలిటి రాక్షసులు,
వారిని అణగద్రొక్కుతూ, వాడుకొనువారని కొందరు; బ్రాహ్మణులు చెడ్డవారని; వారు మిగిలిన వారిని
అణగద్రొక్కి ఉంచారని "ఎదగనివ్వలేదని" ఇంకొందరు

మేధావులు సంఘం చెవిన ఇల్లు కట్టుకొని పోరుతారు
ఇందులో నిజం ఎంత, అకారణ ద్వేషం ఎంత? ఎవరికీ తెలియని వింత; అబద్ధాలు ఈ ఆరోపణలు అని తెలిసీ; మగవారైన బ్రాహ్మణులు సంఘం పాలిటి?

********

సన్యాసులేల సంసారుల చుట్టూ తిరిగెదరు?
ఆ బ్రహ్మమో, ఆత్మయో, 
ఆ అనుభవములో రమిస్తూ జీవించరేమి?

***********

భారతదేశానికి అందించ బడిన వారసత్వం, బాంబ్ విసరడం లాంటిది, "నిరశన దీక్ష". ఇప్పుడు ఎవళ్ళు పడితే వాళ్ళు ఆచరిస్తున్నారు. గాంధీ గారి లాగా, పొట్టి శ్రీరాములు గారి లాగా కాదనుకోండి.

కాని అల్లరి, గోల చెయ్యడానికి పనికివస్తోంది.

ప్రభుత్వాలను చికాకు పెట్టడానికి వాడుకోబడుతోంది.

నిరశన దీక్షనే అందరూ వేళాకోళం చేసే స్థాయికి దిగజారింది. అన్నీ తిని నిరశన దీక్షలేమిటో? అంతా స్వేచ్ఛా జీవితం!

********

మన పూర్వ కవుల ఊహలు రమ్యములు, రమణీయములు.

మనకి ఊహలే లేవు. ఉన్న ఒకరిద్దరు భావుకులని చీదరించుకుంటాము.

********

తత్త్వ గురువులు

శ్రీ రమణ మహర్షి, శ్రీ అరవిందులు, శ్రీ రామకృష్ణ పరమహంస, శ్రీ జిడ్డు కృష్ణమూర్తి ఇంచు మించు సమకాలికులు. ఒకరి గురించి ఒకరికి తెలుసా, తెలియదా, మనకి తెలియదు.

అరవిందుల గురించి శ్రీ రమణ మహర్షి కి తెలుసు. అంటే తీర్థ ప్రజ వంటి ముముక్షువులు, కవులు నానా రాజ సందర్శనం చేసినట్లు, నానా స్వామి సందర్శనం చేస్తారు. ఎందరో పాండిచ్చేరి నుంచి తిరువణ్ణామలై వెళ్ళేవారు. రమణ మహర్షి తో అరవిందుల గురించి చెప్పేవారు. రమణ మహర్షిని కూడా అరవిందుల వలె పౌష్టికాహారం తీసుకోమని "అర్థించేవారు". తాము ఆ వ్యవస్థను ఏర్పాటు చేస్తామనే వారు. ఉన్న అందరికీ కాక, ఒక్క మహర్షికి మాత్రమే పౌష్టికాహారం ఇస్తామనడం రమణ మహర్షి ఒప్పుకోని అవ్యవస్థ.

అరవిందులు కూడా రమణ మహర్షి గురించి విని ఉంటారు. మిగతా వారి విషయంలో ఏం జరిగిందో, ఎలా జరిగిందో తెలియదు. ఈ వ్యాసానికి ఆ సమాచారం అనవసరం.

భారతీయ తత్త్వదర్శనము ఉపనిషత్తులతో మొదలైంది. బౌద్ధం, జైనం, షడ్ దర్శనముల గుండా ఎదుగుతూ, పరిణమిస్తూ రూపు సంతరించుకొంది.

ఉపనిషత్తులు చెప్పినది రామకృష్ణ పరమహంస, శ్రీ రమణ మహర్షి, అరవిందులు, శ్రీ జిడ్డు కృష్ణమూర్తి తమ తమ అనుభవాల ఆధారంగా పరిభాష వాడి తత్త్వం చెప్పారు. పరిభాష వేరైనా ఉపనిషత్ స్రష్టల నుంచి వీరి వరకు అనుభవం ఒకటే. వారి వారి ప్రారబ్ధానుసారం, వారి సాంఘిక, లౌకిక, ఆధ్యాత్మిక సంస్కృతుల నుంచీ, కలిగిన ప్రగాఢమైన అనుభవాల నుంచీ మాట్లాడారు. వారి వారి పరిస్థితులని బట్టి ఆ ప్రగాఢ అనుభవాలు కలిగిన తీరు, వైఖరి, విధానము, చోట్లు వేరు.

ఉపనిషత్తులు ఉదహరించిన అజ్ఞానమే కృష్ణమూర్తి వాడిన mental conditioning. రామకృష్ణులు, రమణ మహర్షి సాంప్రదాయ పరిభాషయే వాడారు. అరవిందులు క్రొత్త పరిభాష వాడారు. ఏ భాషలో మాట్లాడినా సారం మారనట్లు, ఏ పరిభాష ఉపయోగించినా సారం ఉపనిషత్ సారమే.

లోకో భిన్న రుచిః - వలన ఒక్కొక్కరికి ఒక్కొక్క పరిభాష నచ్చుతుంది. మనస్తత్వాన్ని బట్టి ఒక్కో గురువు ఆకర్షిస్తాడు. అవగాహన కన్న మూఢ భక్తి
సామాన్యులను ఎక్కువ వశపరచుకొంటుంది, తత్త్వ వేత్తలు, తత్త్వ గురువుల విషయంలో కూడా అంతే.

ఈ నలుగురూ అనుభవం పొందినది ఉపనిదనుభవమే. చెప్పిన పరిభాష ఎవరికి వారికి ప్రత్యేకం.

పరిభాషను బట్టి వీరివి వేరు వేరు తత్త్వాలు అనుకోవడం అవగాహనా లేమి.

పైకి వీరొక్కక్కరికి కలిగిన అనుభవములు వేరు వేరని అనిపిస్తుంది. కాని కాదు.

పరిభాషలు వేరు అంతే. సాంకేతిక పదములు వేరు.
వారు జీవించిన జీవితాలు వేరు. జిడ్డు కృష్ణమూర్తి తప్ప మిగిలిన వారందరూ ఒక్కచోటే ఉన్నారు. కృష్ణమూర్తి ప్రపంచం అంతా పలుమార్లు తిరిగి ఉపన్యాసాలు ఇచ్చారు. అరవిందుల తత్త్వాన్ని మదర్ హైజాక్ చేసింది. అరవిందుల తత్త్వం కన్న
మదర్ని కొలవడం, ఆరాధన ఎక్కువై పోయింది. అరవింద తత్త్వం వెనుక బడింది.

రమణులది మౌనోపదేశం. మాట్లాడినా తూచి తూచి అవసరం మేరకే క్లుప్తంగా భాషించేవారు. కాని ముముక్షువులతో, ముముక్షువులలో ఒకరిగా కలిసి మెలిగారు. రామకృష్ణులు అంతే. అరవిందులు, కృష్ణమూర్తి తమ తత్త్వ పరిభాష ప్రగాఢత, తమ జీవనశైలిలతో ఒకవిధమైన అరిస్టోక్రాటిక్ టింజ్ వల్ల సోఫెష్టికేటెడ్ తత్త్వవేత్తలలా జీవించారు

ఏకం సత్ విప్రాః బహుధా వదంతి!

***********

స్వేచ్ఛ అంటే ఇష్టం వచ్చినట్టు ఉండడం కాదు. బాధ్యతగా ఉండడం. అప్పుడే స్వేచ్ఛ పరిమళిస్తుంది.

**********

భౌతికమైన అందం ఎందరినో కట్టిపడేస్తుంది. హృదయ సౌందర్యం అందరినీ కట్టి పడేస్తుంది.

*********

ఉపనిషత్తులు బ్రాహ్మణులవి కావు. ప్రపంచానివి.

రామాయణం, మహాభారతం, మహాభాగవతం అందించిన వ్యాస, వాల్మీకులు ఉపనిషత్ స్రష్టల వలె బ్రహ్మణస్పతులు కారు. సామాన్య వర్గం వారే.

భారతీయ సంస్కృతి, సాహిత్యం అందరికోసం.
మనందరి కోసం.

ఎవరు రాసారో దాన్ని బట్టి గౌరవిస్తాం అనడం నిజంగా అవివేకం.

*********

ఇంట్లో సేవ అటకెక్కించి
సమాజసేవకై పరుగులు తీయు
ఆధునిక స్త్రీ పురుషులారా!
పునాదులు తవ్వేసి భవంతులు
నిలబెట్టలేరు! ఇంగితం మరువకండి!

**********

జీవితం మనకిచ్చిన బాధ్యతలను నిర్వర్తించడమే జీవించడం..

తప్పించుకోవడం ఏదో బతకడం.

********