క్రూరాత్ములకు లేవు అడ్డు అదుపు

క్రూరాత్ములకు లేవు అడ్డు అదుపు


తలుపులకు తాళములు వేయునది పెద్దమనుషులకోసం
దొంగలను తాళములడ్డలేవు పగలగొట్టి దొంగతనం చేస్తారు

పాపపుణ్యముల మాట మామూలు మనుషులు తప్పుడు
పనులు చేయకుండుటకు; క్రూరులు దేనినీ లెక్కచేయరు

నీతినియమముల సంగతి న్యాయముగ వర్తించువారికి
అవినీతిపరులైన దుష్టులకు అక్రమ వర్తనమే ఊపిరి

ప్రపంచములో దుష్టులకు దుర్మార్గులకు ఆటవిడుపు
హింస, ఏ వంకనైనా తోటి మనుషులను చంపుట పండగ

క్రూరులను దుష్టులు దుర్మార్గులను అవినీతి పరులను
నియంత్రించే చట్టము మతము‌ లేవు హింసను ఆపలేము

ఇది వాస్తవము నిష్ఠూరమైనా నిజము
మిగిలినవన్నీ మన ఆశలు కలలు ఊహలు
ఆటవికతదే రాజ్యము అప్పడూ ఇప్పుడూ
ఎప్పడూ; నాగరికత క్రూరత్వానికి దాసోహమనవలసినదే

పెద్దలు విజ్ఞులు మంచిని నీతి సూత్రములను వల్లెవేయుట
మనబోంట్లము బుద్ధిగా వర్తించుటకు; మృగసదృశులకు
లేదు అడ్డు లేవు సంకెళ్ళు శిక్షలు లేవు పాపపుణ్యములు
దేశాధినేతలు వారి వారి సైన్యములు ఏమీచేయలేవు వీరిని