అటకెక్కుతున్న పెళ్లి

 

అటకెక్కుతున్న పెళ్లి 

పూర్వీకుల దృష్టి లో పెళ్లి ఒక పీటముడి

ఎంత గింజుకున్నా విడివడదు విడిపోదు

అది వారికి బాధ్యతతో కూడిన అనుబంధం 

ఆధునికుల దృష్టిలో పెళ్లి ఒక జారుముడి

తేలికగా ఊడిపోయే అతకని బంధం 

పెళ్లి, పెటాకులు అను రెండు పడవలపై

రెండు కాళ్ళు ఉంచి సంసార జలధిపై

పయనించడం; నేటి చాలామంది పెళ్లిచేసికోవడం 

పెళ్లి  అనగానే దగ్గర జేసే కమనీయ బంధం కాక

ఇరుకున ఉంచే, ఇరుకున పెట్టె ఒక బంధనం అని ఎక్కురి మతము 

తరువాత జుర్రుకోవలసిన, శోభనం లో జుర్రుకునే అందాలు ఆనందాలు

ముందే రుచి చూచేసి పెళ్ళికి కూర్చుంటున్నారు శోభనమైన వధూ వరులు 

బాధ్యతను సమానంగా పంచుకుని హక్కులని సామరస్యంగా అనుభవిస్తూ

అనుబంధం పంచుకుని పెంచుకుని పటిష్ఠo  చేసికునే కోవాలెంట్ బాండ్ వివాహ బంధం 

అవసరము బాధ్యత ఇంగితము సమపాళ్ళలో కలిపి సృష్టించితిరి పెళ్లిని పెద్దలు

ఇది తెలియని మనుషులు లాలస, అవివేకము, అజ్ఞానము, మూర్ఖత్వము లతో

పెళ్లిని అటక ఎక్కిస్తున్నారు 

తనవారు లేక, ఆదరణ ఆప్యాయత కరువై

అందని ఎడారి జీవితమున అను "బంధముల" లేమిని 

మందుకు, మత్తు మందు లకు, మాదక ద్రవ్యములకు

బానిసలై ఇహ పరముల కోల్పోయిన దుస్థితి మనకేల?

కలుపుకోలుగా స్నేహితుల వలె ఇచ్చి పుచ్చుకొనుచు

స్త్రీ పురుషులు వివాహ బంధమున మెలగి;

సమంగా అనుగుణంగా జీవన భారం వహించి

హుందాగా తాతలు, మామ్మలు అమ్మమ్మలు గా మారుటకు 

సామ్ప్రదాయమిచ్చిన బహుమతి పెళ్లి; పీట ముడైనను

ఉత్తమము; శాంతి సుఖముల పోగొట్టు జారుముడి కారాదు