ప్రణయ తుషారములు
మనసు చల్లబడ పూసినది చెలి
స్న్సేహగంధాలు సౌరభము వెదజల్ల
క్రొత్త చిగురులు తోదిగినది డెందపు మామిడి
చెలియయే వసంతమై అందముగ అడుగిడగ
చెలిచూపులు ప్రసరించినవి
చల్లని వెన్నెలలు మనసుపై
నిండు చందురుడే కదా చెలి మోము
పున్నమియే కదా ఎన్నడు నా మానసరాత్రుల
హృదయమంతా నిండిఉన్న చెలి చిత్తరువు
పదే పదే కలిగించును తీయనైన మత్తులు
వీణియగా చేసి ప్రణయిని మేనిని ఆలాపించ వలె
జగత్తు పులకింప ప్రణయరాగము
చెలియ ఒంపుల ఒంటి నునుపు
తలదన్నునో పూరేకుల మెత్తదనము
నా రాణి పెదవుల అంటియున్న జుంటు తేనియలు
సిగ్గిల చేయునేమో మకరందపు తీయదనాలు
కొండల అంచుల చెంగి దూకు ఒంపుల సెలయేరో చెలి
వలపుమెండుగ కాయు వేసవి ఎండల చల్లని వృక్ష ఛాయయో చెలి స్నేహము
అందినది నాకు ఆనందము మది నిండగచిందినవి ప్రణయ తుషారములు
చెలి ప్రణయార్ద్రతా కావేరిని తేలియాడెదను తరగలనై తన్మయుడనై
No comments:
Post a Comment